2019-04-18 07:30:00

شه‌فه‌ق نيوز/ وحده‌ جومێلى ئه‌ندام ئه‌نجومه‌ن نوێنه‌ره‌يل, مه‌سه‌له‌ى هه‌ڵوه‌شاننه‌وه‌ى باجه‌يل ڤيزاى هاتن ئيرانيه‌يل ئه‌را عراق وه‌ پشتگيرى ئه‌را ميليشيايه‌يل تاريف كرد له‌وه‌ر مه‌شق كاره‌يلى تاوانه‌كارانه‌ى وه‌گووره‌ى ئه‌جنداى ئيرانى.

 

جومێلى له‌ به‌ياننامه‌يگ وت: لاوردن باج له‌بان هاتن ئيرانيه‌يل ئه‌را عراق له‌وه‌ر پشتگيرى و ده‌سڵات زياتر بڕيگ ميليشياس ك له‌ئيرانه‌و پشتگيرى ئه‌كريه‌ن ئه‌را جيوه‌جيكردن كاره‌يل تايفه‌گه‌رى و ئه‌نجاداين تاوانه‌يل تر له‌ عراق.

 

ئه‌و په‌رله‌مانتاره‌ باس له‌وه‌يش كرد بڕيگ له‌ ميليشيايه‌يل تايفى ك ناسريانه‌و له‌ چوارچيوه‌ى هه‌ژموونه‌يل ئيرانى له‌ناو عراق كار ئه‌كه‌ن, كاره‌يل تاوان و دزى و تاڵانى ئه‌نجام ئه‌يه‌ن و سته‌م له‌ هاووڵاتيه‌يل ئه‌كه‌ن و ئاماژه‌ وه‌يه‌يش كرد لاوردن باج له‌بان ئيرانيه‌يل پلانيگ ئاشكراسه‌ ئه‌را زيايكردن هه‌ژموون ئيرانى له‌ عراق و پشتگيريكردن له‌ ميليشيايه‌يل له‌وه‌ر ئه‌نجامداين تاوان.

YesIraq