2019-02-11 07:46:00

شه‌فه‌ق نيوز/ عاليه‌ نسه‌يف ئه‌ندام ئه‌نجومه‌ن نوێنه‌ره‌يل داوا له‌ ئه‌نجومه‌ن وه‌زيره‌يل و وه‌زير بازرگانى و ده‌سه‌ى ده‌سپاكى كرد په‌يجورى له‌باره‌ى وه‌پياداين ماف وه‌ كۆمپانياى(عراقى ڤێتنامى) بكه‌ن له‌باره‌ى هه‌نارده‌كردن 120 هه‌زار ته‌ن له‌ برنج ئه‌را عراق وه‌ نرخ 700 دۆلار ئه‌را هه‌ر ته‌نيگ، يه‌يش له‌وه‌ختيگ ك نرخه‌گه‌ى له‌ 350 دۆلار زياتر نيه‌.

 

نسه‌يف له‌ به‌ياننامه‌يگ وت: وه‌زاره‌ت بازرگانى ماف داسه‌ ئه‌و كۆمپانيا ئه‌را هه‌نارده‌كردن 120 هه‌زار ته‌ن برنج ئه‌را عراق وه‌ نرخ 700 دۆلار ئه‌را هه‌ر ته‌نيگ له‌بان بنه‌ماى ئه‌وه‌گ برنج ياسه‌مينه‌، وه‌لێ ئه‌وه‌ نه‌ويه‌و برنجيگ ساخته‌ بويه‌و نرخ هه‌ر ته‌نيگيش له‌لى له‌ 350 دۆلار زياتر نيه‌.

 

نسه‌يف هه‌ميش وت: برنج له‌ كومپانيايگ سينيه‌ێد وه‌ناو(فينا فود)و جووريگه‌ خراو و ده‌وڵه‌تيش وه‌رگه‌ى ئه‌و فه‌رقه‌يله‌ له‌ نرخه‌گه‌ێ ئه‌گرێد و باس له‌وه‌يش كرد ك فشار فريه‌يگيش ها بان تاقيگاى كومپانياى گشتى ئه‌را بازرگانى دانه‌وێڵه‌ وه‌خاتر سڕپوو كردن ئه‌نجامه‌گه‌ى وه‌ مه‌يل گه‌ناته‌كاره‌يل.

YesIraq
}