2019-07-20 11:22:40

شه‌فه‌ق نيوز/ پرووسه‌يگ ئه‌منى له‌ باكوور به‌غدا ئه‌را پته‌وكردن ئاسايش و سه‌قامگيرى له‌ ناوچه‌يل باكوور پاپته‌خت و ناوچه‌يل ده‌ورگردى دوور پاريزگايه‌يل دياله‌ و سه‌ڵاحه‌دين و ئه‌نبار ده‌سوه‌پيكرد.

 

شانه‌ى ره‌سانن ئه‌منى له‌ به‌ياننامه‌يگ ئه‌را شه‌فه‌ق نيوز وت: وه‌ فه‌رمان سه‌ركرده‌ى گشتى هيزه‌يل چه‌كدار و وه‌ سه‌رپه‌رشى سه‌ركردايه‌تى فه‌رمانده‌يى هاوبه‌ش و دوياى ته‌واوبوين قۆناغ يه‌كه‌م له‌ پرووسه‌ى خواست سه‌ركه‌فتن وه‌ سه‌ركه‌فتگى، قوناغ دويه‌م له‌ى پرووسه‌ ده‌س وه‌پيكردگه‌ ئه‌را پته‌وكردن ئاسايش و سه‌قامگيرى له‌ ناوچه‌يل باكوور پاپته‌خت و ناوچه‌يل ده‌ورگردى دوور پاريزگايه‌يل دياله‌ و سه‌ڵاحه‌دين و ئه‌نبار.

 

به‌ياننامه‌گه‌ يه‌يش ده‌رخست ك كه‌رته‌يليگ له‌ سه‌ركردايه‌تى فه‌رمانده‌يى به‌غدا وه‌ل كه‌رته‌يليگ له‌ فه‌رمانده‌يى دياله‌و سامه‌ڕا و ئه‌نبار و سه‌ركردايه‌تى پۆليس ناوه‌ندى و تيم جواودانه‌وه‌ى گورج و كه‌رته‌يليگ له‌ تيم زريپووش 9 و كه‌رته‌يليگ له‌ حه‌شد شه‌عبى و فه‌وج هيزه‌يل تايبه‌ت ده‌زگاى پرووسه‌يل سه‌ر وه‌ سه‌رۆكايه‌تى ئه‌ركان سوپا و فه‌وج ئه‌ركه‌يل تايبه‌ت سه‌ر وه‌ وه‌ڕيه‌وبه‌رايه‌تى هه‌واڵگيرى سه‌ربازى له‌تى به‌شدارى كردنه‌ وه‌ پشتگيرى هيز ئاسمانى و ته‌ياره‌يل سوپا و هاوپه‌يمان ناوده‌وڵه‌تى بيجگه‌ مه‌فره‌زه‌يليگ له‌ پياوه‌يل هاتوچوو و بار شارستانى و پۆليس ده‌ريايى.

YesIraq
}