2019-08-13 17:14:52

شه‌فه‌ق نيوز/ كه‌ڕاڕ سه‌باح عه‌بادى پاريزگار بابل، ئاشكراكردنيگ دا له‌باره‌ى ته‌رمه‌يل بى ناسنامه‌ ك له‌ى دوياخره‌ دوينريانه‌سه‌و

 

له‌و باوه‌ته‌و، عه‌بدى له‌ به‌ياننامه‌يگ ئه‌را شه‌فه‌ق نيوز وت: له‌ى رووژه‌يل دوياخره‌ به‌رزه‌وبوين ده‌نگه‌يليگ ئاشووگه‌رى ژنه‌فتيايم له‌ناونى رووڵه‌يل ملله‌ت عراقى دوياى كه‌فتنه‌وه‌ى ئارامى و ئاشتى له‌ عراق و داخستن دوسيه‌ى تايفى له‌ وڵات وه‌ ته‌واوى، و دوياى داناين بابل له‌ ليست كه‌لتوور جه‌هانى شاره‌گه‌ بويه‌ رووگايگ جه‌هان مێژوويى و ژيارى وه‌شيوه‌يگ فه‌رمى ك هه‌رچه‌نى زويتر تويش روێداگه‌يل فريه‌يگ هات له‌ سه‌رده‌مه‌يل وه‌رين.

 

پاريزگار بابل وت: ئه‌و ته‌رمه‌يل بى ناسنامه‌ ك وه‌رجه‌ رووژه‌يليگ وه‌خاك سپاريانه‌، ته‌رمه‌يليگ بوينه‌ ك ماوه‌ى چوار ساڵ له‌ سه‌ردخانه‌ى پزيشكى بوينه‌و له‌ئه‌نجام كرده‌وه‌يل و تاوانه‌يل جياجيا كوشيانه‌و بريگيش له‌لى له‌ ئه‌نجام كيشه‌يل كۆمه‌ڵايه‌تى و هووزايه‌تى بوينه‌و دابه‌ش له‌بان بنگه‌يل پۆليس بابل كريانه‌ له‌ پاريزگاگه‌و راده‌س وه‌ ته‌ندروستى بابل ئه‌كريه‌ن وه‌خاتر له‌وه‌رگرتن رێ وشوون ياسايى و پزيشكى و ئه‌نجامداين(دى ئێن ئه‌ى)ئه‌رايان له‌وه‌ر ناسينه‌وه‌يان و داوايش له‌ هووكاره‌يل ره‌سانن و ريكخرياگه‌يل كۆمه‌ڵگاى مه‌ده‌نى كرد وه‌ دقه‌ته‌و بنوڕنه‌ زانياريه‌يل له‌ى باوه‌ته‌و.

YesIraq
}