2019-01-24 08:24:00

شه‌فه‌ق نيوز/ عادل عبدولمه‌هدى سه‌رۆك وه‌زيره‌يل عراق، خوه‌شاڵى خوه‌ى ده‌رخست وه‌ هه‌وڵ جيگيركردن بودجه‌ى گشتى ده‌وڵه‌ت عراقى و قه‌وڵ ئه‌وه‌يش دا حكومه‌ته‌گه‌ى دراسه‌ت راسه‌وكردن و زيايكردن خاڵه‌يليگ ئه‌كا ك په‌رله‌مان په‌سه‌نى كردگه‌ له‌ بودجه‌.

 

عه‌بدولمه‌هدى له‌ به‌ياننامه‌يگ وت: حكومه‌ت ئه‌و راسه‌وكردن و زيايكردنه‌يله‌ ك ئه‌نجه‌مه‌ن نوێنه‌ره‌يل ئه‌نجامى داگه‌ له‌يه‌كه‌و ئه‌ياد و له‌نزيكترين وه‌خته‌يليگ رينمايى خواست دائه‌نه‌ێد ئه‌را ده‌سوه‌پيكردن وه‌ جيوه‌جيكردن مادده‌يل بودجه‌.

 

سه‌رۆك وه‌زيره‌يله‌ ئاماژه‌ وه‌يه‌يش كرد ك حكومه‌ت وه‌ كرده‌يى ده‌سكرده‌سه‌ داناين بنه‌مايه‌يل تا بودجه‌ى 2020 بدێده‌ بودجه‌ى پرووژه‌يل نه‌ك بودجه‌ى خاڵه‌يل و ئه‌گه‌ر سه‌ركه‌فتن له‌تى وه‌ده‌س هاوريا ئه‌وه‌ خاسسازى گه‌ورايگ و ئاڵشتكارى فريه‌يگ روێ ئه‌ياد جيا له‌ ته‌مه‌ن سه‌د ساڵه‌ێ ئه‌وساى ده‌وڵه‌ت عراقى.

YesIraq