وە فەرمى.. پەرلەمان کازمى وە سەرۆک حکومەت عراقى وە 15 وەزیرەو دیارى کرد

Category: هــــه‌واڵ عــیراق

Date: 2020-05-07T12:04:41+0000
وە فەرمى.. پەرلەمان کازمى وە سەرۆک حکومەت عراقى وە 15 وەزیرەو دیارى کرد

شەفەق نیوز/ ئەنجومەن نوێنەرەیل عراقى لەشوون نیمەى شەو چوارشەممە، متمانە دا کارنامە وەزاریەگەى حکومەت مستەفا کازمى وە 15 وەزیرەو  لەو کابینەى وەزارى تازە.

پەرلەمان یەکەمجار دەنگ لەبان عەلى جومعە عناد ئەرا وەزیر وەرگرى دا، و عوسمان غانمى ئەرا وەزیر ناوخوەیى، دویاى ئەوەیش دەنگ لەبان عەلى عەبدولئەمیر عەلاوى ئەرا وەزیر دارایى و خالد نەجم بەتال ئەرا وەزیر پلاندانان و نازلین محەمەد ئەرا وەزیر ئاوەدانکردنەوەو نیشتەجیکردن و حەسەن محەمەد عەباس ئەرا وەزیر تەندروستى دا.

دویاتریش پەرلەمان دەنگ لەبان نەبیل کازم عەبدولساحی ئەرا وەزیر خوەنین باڵا و ماجد مەهدى عەلى ئەرا وەزیر کارەبا و ناسر حسێن بەندەر حەمەد ئەرا وەزیر گواستنەوەو عەدنان درجال مەهدى ئەرا وەزیر لاوان و وەرزش و مەنهەل عەزیز ئەرا وەزیر پیشەسازى و ئەرکان شەهاب ئەرا وەزیر پەیوەندیەیل و کەیاندن و عادل حاشوش ئەرا وەزیر کار و مەهدى رەشید ئەرا وەزیر سەرچەوە ئاویەگان و عەلى حەمید موخلف ئەرا وەزیر پەروەردە دا.

وەلێ پەرلەمان پەنج کاندید متمانە پەرلەمان وەدەس ناوردن ک پیکهاتن لە: کاندەیل تەوار نسەیف جاسم ئەرا وەزارەت بازرگانى و ئسماعیل عەبدولرەزا ئەرا وەزیر کشتوکاڵ و هوشام ساڵح داود ئەرا وەزیر رووشنهویرى و سەنا حکمەت ناسر ئەرا وەزیر کووچ و کووچبەرەیل و عەبدولرەحمان مستەفا ئەرا وەزیر داد.

وەل ئەوەیشا ئەنجومەن نوێنەرەیل دەنگداین لەبان کاندیدەیل هەردوگ وەزارت خارجیەى و نەفت ئەرا وەختەیلیگ تر دویاخست لەوەر ریکنەکەفتن لەبان کاندیدەیل و دویاخریش کازمى قەسەم دەستوورى خوارد وەرجە هەڵگرتن دانیشتنەگە لەلایەن محەمەد حەلبوسى سەرۆک پەرلەمان ئەرا وەختەیلیگ تر.

related

هەڵبژاردنەگان عراق.. سەرۆک پەرلەمان لێدوانیگ لە باوه‌ت راگەیاننەگەی کازمی دەێد

Date: 2020-08-01 08:29:36
هەڵبژاردنەگان عراق.. سەرۆک پەرلەمان لێدوانیگ لە باوه‌ت راگەیاننەگەی کازمی دەێد

پەرلەمان عراق داوای هاتن وەزیرەیل وەرین کەهرەبا کەێد ئەرا لێکۆڵینەوە لەباوەتەیل گەندەڵی

Date: 2020-08-11 13:13:16
پەرلەمان عراق داوای هاتن وەزیرەیل وەرین کەهرەبا کەێد ئەرا لێکۆڵینەوە لەباوەتەیل گەندەڵی

دەسەیگ پەرلەمانی: ئی وەزیرە بویە هووکار لە دزین هەفت ملیار و سێسەد مەلیۆن دینار

Date: 2020-08-09 11:27:47
دەسەیگ پەرلەمانی: ئی وەزیرە بویە هووکار لە دزین هەفت ملیار و سێسەد مەلیۆن دینار

دارایی پەرلەمان: ٥٠ لەسەد لە داهاتەیل مەرزە سنوریەگان چوودە دەیشت گیرفان حکومەت

Date: 2020-08-07 16:48:32
دارایی پەرلەمان: ٥٠ لەسەد لە داهاتەیل مەرزە سنوریەگان چوودە دەیشت گیرفان حکومەت