وە فەرمان کازمی.. ئۆپراسیۆن سەربازی گەورایگ لە باکوور بەغداد دەسکێدەپی

Category: هــــه‌واڵ عــیراق

Date: 2020-07-02T12:44:19+0000
وە فەرمان کازمی.. ئۆپراسیۆن سەربازی گەورایگ لە باکوور بەغداد دەسکێدەپی

شەفەق نیوز/ شەفەق ئمڕوو پەنجشەممە، ئۆپراسیۆن سەربازی گەورایگ دەسکردەپی ئەرا تاڕانن ئەندامەیل داعش لە باکوور بەغداد پایتەخت.
شانەی راگەیانن ئەمنی لە بەیاننامەیگ ئمڕوو وت: وە فەرمان موستەفا کازمی سەرۆک ئەنجومەن وەزیران وفەرماندەی گشتی هێز چەکدار، وە سەرپەرشتی فەرماندەی ئۆپراسیۆنە هاوبەشەگان، فەرماندەی ئۆپراسیۆن بەغداد، شەفەق ئمڕو پەنجشەممە، دەسکردە جیوەجیکردن ئۆپراسیۆن سەربازی گەورایگ لە باکوور بەغداد.
بەیاننامەگە هەمیش وت: لە ئۆپراسیۆنەگە کەرتەیل فەرماندەیی ئۆپراسیۆنەیل بەغداد و کەرتەیل لیوای هێزەیل تایبەت/ سەرکردەی ئەرکان سوپا و لیوای پیادەی ئامێری سی وهەفتەم، و لیوای بەرسڤدان خێرا و لیوای ئەرکەیل تایبەت وە پۆلیس فیدڕاڵی، و لیوایگ لە حەشد شەعبی، وە پاڵپشتی فڕۆکەوانی هێز ئاسمانی و فڕۆکەوانی سوپا به‌شدارن.
ئی ئۆپراسیۆنە وەگورەی زانیاریەیل وردیگ تیەێد، ئەرا لەشوون کەفتن جیماگەیل داعش، و وەشکین ئی ناوچەیلە، ئەرا پشتگیری ئەمن وئارامی، ودەسگیرکردن داواکریاگەیل، ومقەیەتی لە بەرژەوەنی هاووڵاتیەیل ، وەگورەی بەیاننامەگە.

related