2019-04-14 17:38:00

شه‌فه‌ق نيوز/ ده‌زگاى "قمه‌" ئه‌را كاروبار په‌نابه‌ره‌يل عراقى, ئاشكراى ئه‌وه‌ كرد ده‌سڵاته‌يل توركيا 9 په‌نابه‌ر ناياسايى عراقى ئازاد كردنه‌و له‌ڕى گه‌شت ئاسمانيه‌و درىيان كردنه‌ وه‌ره‌و وڵات خوه‌يان.

 

ده‌زگاگه‌ له‌ به‌ياننامه‌يگ ك شه‌فه‌ق نيوز ئاگادارى بوى وت: ئه‌و په‌نابه‌ره‌يل ناياسايى عراقيه‌ نياز ئه‌وه‌ داشتنه‌ كووچ وه‌ره‌و ئۆرپا بكه‌ن وه‌ شيوه‌يگ ناياسايى.

 

به‌ياننامه‌گه‌ يه‌يش ده‌رخست وه‌ هه‌وڵ ده‌زگاى ناوبرياى و ئاماد ره‌سول جيگر باڵيۆز عراقى له‌ ئه‌سته‌مبوڵ ئه‌و په‌نابه‌ره‌يله‌ ئازاد كريانه‌ ك پيكهاتنه‌ له‌ كورد و عه‌ره‌ب و له‌ زيندانه‌يل توركيا بوينه‌و دوياى ئازادكردنيان له‌رێ ته‌ياره‌خانه‌ى ناوده‌وڵه‌تى ئه‌سته‌مبوڵه‌و ده‌ركريانه‌ وه‌ره‌و عراق.

YesIraq