2019-04-18 07:23:00

شه‌فه‌ق نيوز/ باڵيۆزخانه‌ى ئه‌مريكى له‌ عراق، وێنه‌يليگ مه‌شقكردن ته‌ياره‌يل "F16" عراقى بڵاو كرد ك له‌لايه‌ن هاوپه‌يمان ناوده‌وڵه‌تييه‌و مه‌شق ئه‌دريه‌ن ئه‌را پڕكردن سوزه‌مه‌نى له‌ ئاسمانه‌و له‌بان مه‌رزه‌يل سوورى.

 

باڵيۆزخانه‌گه‌ له‌ به‌ياننامه‌يگ ئاماژه‌ وه‌ باڵه‌وگرتن ته‌ياريليگ "F16" ى سه‌ر وه‌ هيزه‌يل ئاسمانى عراقى ئه‌كا له‌ ئه‌ركيگ له‌ ئاسمان مه‌ره‌يل عراقى سوورى وه‌ل ته‌ياره‌يل هاوپه‌يمان ناوده‌وڵه‌تى.

 

به‌ياننامه‌گه‌ وت: وڵاته‌يل يه‌كگرتگ و هيزه‌يل هاوپه‌يمان ناوده‌وڵه‌تى هاوبه‌شن وه‌ل عراق و كار له‌بان پيشكه‌شكردن ده‌سميه‌ت ئه‌كه‌ن ئه‌را په‌ره‌داين وه‌ شاره‌زايه‌تى جه‌نگيى ئاسمانى جوور به‌شيگ له‌ مه‌شق هاوبه‌ش له‌ناونى هيزه‌يل ئاسمانى عراقى و هيزه‌يل هاوپه‌يمان ناوده‌وڵه‌تى له‌بان پڕكردن سوزه‌مه‌نى له‌ ئاسمانه‌و.

YesIraq