2020-03-25 07:02:16

شه‌فه‌ق نيوز/ گرته‌يگ ڤيديۆيى ك كۆپييگ له‌لى كه‌فته‌سه‌ ده‌س شه‌فه‌ق نيوز، ئه‌وه‌ له‌تى ده‌ركه‌فت ك كه‌سيگ له‌ نزيگ مه‌رز جياكه‌ره‌وه‌ى ئه‌منى له‌ نزيك كه‌ركوك كيشمه‌كيش مه‌رگ ئه‌كا.

 

وه‌گووره‌ى ئه‌وه‌ قسه‌يله‌ ك كريانه‌، له‌يوا دياره‌ ئه‌و كه‌سه‌ ك وێنه‌ى ئه‌و گرته‌ ڤيديۆييه‌ گرتگه‌ ئه‌راى ئاشكرا بويه‌ ئه‌و كه‌سه‌ ك له‌كنار جاده‌ دريژه‌و بويه‌ كيشه‌كيش وه‌ل مه‌رگ ئه‌كاو له‌تى وترياگه‌ ك كه‌سه‌گه‌ تويش ڤايرۆس كۆرۆنا هاتگه‌و گومان مه‌رگ له‌لى ئه‌كريه‌ێد له‌ نزيك جياكه‌ره‌وه‌ى ئه‌منى له‌ ده‌روازه‌ى كه‌ركوك له‌بان رێ هه‌ولێر.

 

هه‌ر له‌ ڤيديۆگه‌ ده‌ركه‌فتگه‌ چه‌ن كه‌سيگ وه‌ دويرى چه‌ن مه‌تريگ له‌ نه‌خوه‌شه‌گه‌ وسيانه‌ وه‌بى ئه‌وه‌گ كه‌سيگيان له‌ليه‌و نزيكه‌و بوون، له‌وه‌ر ئه‌وه‌گ تويش ڤايرۆس كۆرۆنا له‌ليه‌و نان، يه‌يش له‌وه‌ختيگ دلێر سه‌مه‌د ئه‌ندام شانه‌ى قه‌يران له‌ كه‌ركوك ئه‌را شه‌فه‌ق نيوز وت: ئه‌و كه‌سه‌ ك كه‌فتگه‌ جايه‌ڵيگ بويه‌ ته‌مه‌ن 25 ساڵ و نيشه‌جێ هه‌ولێر.

 


}