2019-01-26 08:10:00

شه‌فه‌ق نيوز/ وه‌زيريگ وه‌رين، هووكاره‌يل نزيكبوينه‌وه‌ى هاوپه‌يمانى بنياتنان وه‌ سه‌رۆكايه‌تى هادى عامرى له‌ هيزه‌يل سياسى سنى ئاشكرا كرد.

 

ئه‌لعه‌ره‌بى ئه‌لجديد له‌باره‌ى ئه‌و وه‌زيره‌ ك ناوى ئاشكرا نه‌كردگه‌ وت: زوورم حزبه‌يل ك حوكم وڵاته‌گه‌ كردنه‌ له‌ ماوه‌ى ساڵه‌يل گوزه‌يشت هويچ وه‌ختيگ مه‌يل ئه‌را عراق نه‌ياشتنه‌و هه‌ميشه‌ له‌ محوه‌ر ده‌ره‌كييه‌و نزيك بوينه‌ زياتر له‌وه‌گ نزيك بوون له‌ ملله‌ت عراق و هه‌ر وه‌و خاتريشه‌ بايه‌سه‌ له‌بانيان داواى وه‌خشين بكه‌ن.

 

وه‌زيره‌گه‌ ئاماژه‌ وه‌يه‌يش كردگه‌ ك نزيكه‌وبوين له‌ناونى هاوپه‌يمانى بنياتنان وه‌ سه‌رۆكايه‌تى هادى عامرى وه‌ل هيزه‌يل سياسى سنى له‌وه‌ر ئه‌وه‌ روێداگه‌ چوينكه‌ ته‌هران فه‌رمان داسه‌ سه‌ركرده‌يل شيعه‌ سنى به‌شدار بكه‌ن وه‌ليانا له‌ هاوپه‌يمانى، يه‌يش له‌وه‌ختيگ سنى و شيعه‌يش رازى نيين له‌ى كاره‌، وه‌لێ ناچارن سه‌ر ئه‌را بڕياره‌يل ده‌ره‌كى چه‌مانن.

YesIraq