2019-01-02 06:52:00

شه‌فه‌ق نيوز/ سه‌باح دلێمى وه‌زير پلاندانان جه‌خت له‌وه‌ كرد ك واده‌ى سه‌رشمارى گشتى مه‌ردمى له‌ كووتايى ساڵ 2020 ده‌س وه‌پى ئه‌كا.

 

دلێمى له‌ به‌ياننامه‌يگ ئاماژه‌ وه‌ ئه‌وه‌ كرد راسه‌وخۆ ئاماده‌كارى كرده‌يى ئه‌كريه‌ێد ئه‌را ئه‌و سه‌رشماريه‌ وه‌ل دابينكردن گشت توانايه‌يل ناوچه‌يى و ناوده‌وڵه‌تى ئه‌را سه‌رخستن ئه‌و پرووسه‌.

 

دلێمى وت: وه‌زاره‌ت پلاندانان له‌ مانگ ته‌ممووز ئاينده‌ راپۆرت خوه‌يبه‌خشانه‌ى عراق پيشكه‌ش ئه‌كا له‌ماوه‌ى دانيشتن باڵاى سياسه‌ ك له‌ نه‌ته‌وه‌يل يه‌كگرتگ ئه‌نجام ئه‌گرێد و ئه‌و سه‌ختيه‌يله‌ ئه‌كه‌فێده‌ چوارچێوه‌ى باسه‌يلى ك تويش حكومه‌ت عراقى هاتگه‌ له‌ جيوه‌جيكردن په‌ره‌داين وه‌رده‌وام وه‌ل باسكردن ريه‌يل پته‌وكردن هاوكاريه‌يل ناوده‌وڵه‌تى ئه‌را گوزه‌ركردن له‌گشت ئه‌و سه‌ختيه‌يله‌ ك هاتنه‌سه‌ تويش لايه‌نه‌يل جيوه‌جيكار له‌ حكومه‌ت.

 

جى باسه‌، هه‌ولێر و به‌غدايش ريككه‌فتن له‌باره‌ى ئه‌نجامداين ئه‌و سه‌رشماريه‌ وه‌ل ته‌رخانكردن 50 مليار دينار عراقى له‌ بودجه‌ى دارايى 2019 ئه‌را جيوه‌جيكردن ئى پرووسه‌، جوور ئه‌وه‌گ حكومه‌ت هه‌رێم كوردستان ئاماژه‌ وه‌پى كرد.

YesIraq