وه‌زاره‌ت وەرگری عراق پاڵپشتی سەربازی ئەرا دیالە رەوانە کەێد

Category: هــــه‌واڵ عــیراق

Date: 2020-06-29T12:44:54+0000
وه‌زاره‌ت وەرگری عراق پاڵپشتی سەربازی ئەرا دیالە رەوانە کەێد

شەفەق نیوز/ سەرچەوەیگ سەربازی لە دیالە، ئمڕو دووشەممە، ئاشکراکرد لە رەزامەنی وەزارەت وەرگری عراق لە رەوانەکردن پاڵپشتی سەربازی وەرەو باکوور ناحیەی جەلەولا، ئەرا چارەسەرکردن خراوی ئەمنی و پەلامارە وەردەوامەگان ک رەسێدە چەن ئاواییگ لە باکوور ناحیەگە.
سەرچەوەگە ئەرا ئاژاس شەفەق نیوز وت: هێزەیلیگ سه‌ربازی وەی نزیەکە رەسێدە دەورگرد ناحیەی جەلەولا، ئەرا پاڵپشتی هێزە ئەمنیەگان، و ماڵین چەن ئاوای و بووسانیگ ک کەفتنەسە وەر پەلامار داعش لەوەرجە چەن ساڵیگ. ودیاری کرد ک هێزەگان دەورگرد جەلەولا و ئاوایەگان گردێد ئەرا هاوردنەوەی چالاکی کشتوکاڵی و رزگارکردن هەزاران دۆنەم لە بووسانەیل ک هانە ژیر هەڕەشەی فەوتانن لەوەر لانەیل داعش.
وتیش: وەزارەت وەرگری پلان توکمەیگ دانا وهەماهەنگی وەگەرد وەرپرسەیل دیالە و فەرماندە ئەمنیەگان، ئەرا چارەسەرکردن باوەت باکوور دیالە، وکۆتایی هاوردن وە پەلامار و رووداوە ئەمنیەگان، ک ئاوایەیل وباره‌گا ئەمنیەگان وەردەوام کەێدە ئامانج.

related