2015-05-24 13:12:28
مه‌لاس محه‌مه‌د عه‌بدولكه‌ریم وه‌زیر بازرگانی وه‌ده‌ركردن به‌یاننامه‌ێگ و كل كردن كوپیێگێ ئه‌ڕا (شه‌فه‌ق نیوز) وتگه‌: وه‌زاره‌گه‌ چه‌ندین لوجنه‌ێ جیاواز دروس كردگه‌ ئه‌ڕا په‌یجوری كردن بار خوراكی ئاواره‌یل له‌ نزیك پیه‌ڵ بزێبز ئه‌ڕا كومه‌ك كردنیان و چاره‌سه‌ كردن بار ناهه‌موار ژیانیان.

زیاتر وتگه‌ ، وه‌كیل هونه‌ری وه‌زاره‌گه‌ وه‌ل لوجنه‌یل په‌رله‌مانی و حكومی سه‌ردان ناوچه‌گه‌ كردگه‌ ئه‌ڕا هه‌ڵسه‌نگاندن بار خوراكی و كل كردن كومه‌كه‌یل خوراكی ئه‌ڕا ئه‌و ئاواره‌یله‌ ك له‌ نزیك پێه‌ڵه‌گه‌ گیر خواردنه‌ تا دویاخر ئه‌ڕا شوونه‌یلتر وڵات كل بكریه‌ن.

عه‌بدولكه‌ریم باس ئه‌وه‌یش كردگه‌ ك شه‌ریكه‌یل وه‌زاره‌گه‌ ك پسپوڕن له‌ خوراك ده‌س كردنه‌سه‌ هه‌ڵمه‌ت تازه‌ێگ ئه‌ڕا كل كردن كومه‌كه‌یل خوراكی ئه‌ڕا خانه‌واده‌یل ئاواره‌ ، ئه‌ویش وه‌هاوكاری وه‌ل ده‌زگا ئه‌منیه‌گان له‌ ناوچه‌گه‌ تا ئامار ته‌واو له‌ باوه‌ت ئه‌و خانه‌واده‌یله‌ ئاماده‌ بكه‌ن و بخه‌نه‌یانه‌ بان ناوه‌نده‌یل به‌شه‌و كردن خوراك له‌ پارێزگاگانتر.

YesIraq
}