2019-05-13 09:33:45

شه‌فه‌ق نيوز/ محه‌مه‌د عه‌لى زياب بريكار وه‌زاره‌ت پيشه‌سازى و كانزايه‌يل وه‌ وكاله‌ت، ئاشكراى ئه‌وه‌ كرد وه‌زاره‌ته‌گه‌ رينمايى داسه‌ گشت دامه‌زرياگه‌يلى ئه‌را ئاماده‌كردن و داناين پلانيگ بازاڕكردن له‌وه‌ر خاتر هه‌نارده‌كردن به‌رهه‌مه‌يلێ.

 

زياب له‌ به‌ياننامه‌يگ وت: ئى رينمايه‌يله‌ وه‌گووره‌ى بڕيار ده‌سه‌ى رايوه‌رگرتن له‌ وه‌زاره‌ته‌گه‌ هاتگه‌ ك باس له‌وه‌ ئه‌كا دامه‌زرياگه‌يل گشتى په‌يوه‌س وه‌ وه‌زاره‌ته‌گه‌ دراسه‌تيگ پيشكه‌ش بكه‌ن ئه‌را ده‌زگاى پلاندانان له‌باره‌ى تواناى هه‌نارده‌كردن به‌رهه‌مه‌يلێ و پيشكه‌شكردن خزمه‌تگوزارى له‌رێ گامناين و جموجويل ئداره‌گه‌ێ ئه‌را وه‌ده‌سهاوردن ريككه‌فتن و كاره‌يل زياتر له‌باره‌ى وه‌كارهاوردن شيوازه‌يل تازه‌ له‌ بازاڕكردن و ئاماده‌كردن كادره‌يل له‌ به‌شه‌يل بازاڕكردن له‌ڕێ تيكه‌ڵكردنيان وه‌ خوله‌يل زانستى.

 

جى باسه‌، به‌ياننامه‌گه‌ يه‌يش ده‌رخست ك ئى پلانه‌يله‌ تاووتوێ ئه‌كريه‌ێد له‌ چوارچێوه‌ى زنجيره‌ دانيشتنه‌يليگ يه‌ك له‌شوون يه‌ك ك له‌ناوه‌ند وه‌زاره‌ته‌گه‌ ساز ئه‌كريه‌ێد وه‌ ئاماده‌بوين وه‌ڕيه‌وبه‌ره‌يل گشتى و وه‌ڕيه‌وبه‌ره‌يل بازاڕكردن له‌ كۆمپانيايه‌يل.

YesIraq