2018-12-29 07:06:00

شه‌فه‌ق نيوز/ عاليه‌ نسه‌يف ئه‌ندام له‌بان كوتله‌ى ده‌وڵه‌ت ياسا، داوا له‌ سه‌رۆك وه‌زيره‌يل و وه‌زير دارايى و وشكاننكار گشتى له‌ وه‌زاره‌ته‌گه‌ كرد دزيه‌يل دارايى گشتى بووسنن ك له‌لايه‌ن وه‌رپرسه‌يليگ وه‌ وه‌كاله‌ت له‌ يه‌كيگ له‌ ده‌زگايه‌يل زه‌ريبه‌يل گشتيه‌و ئه‌نجام ئه‌گرێد و باس له‌وه‌ كرد ئه‌و كه‌سه‌ ك وه‌ وه‌كاله‌ت سپارياگه‌ قه‌وم وخيشه‌يل خوه‌ێ دامه‌زرانگه‌و ماڵيگ ئه‌را براگه‌ێ سه‌ندگه‌ وه‌ بڕ دو مليار ونيم له‌ ناوچه‌ێ كه‌ڕاده‌ داخل له‌ به‌غداى پايته‌خت.

 

نسه‌يف له‌ به‌ياننامه‌يگ ئه‌را شه‌فه‌ق نيوز وت: ئى ئافره‌ت وه‌رپرسه‌ كوڕه‌يل خاڵوو و خاڵووزايه‌يل و خوه‌يشكه‌زايه‌يلێ وه‌ ناياسايى دامه‌زرانگه‌و ماڵيگيش ئه‌را براگه‌ى سه‌ندگه‌ له‌ كه‌ڕاده‌ داخل وه‌ دو مليار و چوارسه‌د و هه‌يشتا مليۆن دينار و روێوه‌ره‌گه‌ى 1400 مه‌تره‌و جێ باسه‌ ستر له‌كاره‌يل نائه‌خلاقى و كيشه‌يل ده‌سدريژى له‌بان نامووس مه‌ردم ئه‌كا له‌لايه‌ن يه‌كيگ له‌ پاسه‌وانه‌يل له‌و شوونه‌يله‌ ك كامێراێ چه‌وديرێ له‌تيان نيه‌.

 

نسه‌يف هه‌ميش وت: ئى به‌ڵگه‌يل ته‌واوه‌ ره‌وانه‌ى ئه‌كه‌يم ئه‌را ده‌سه‌ێ ده‌سپاكه‌ دوياى نمايشكردنى ئه‌را راى گشتى و له‌وانه‌يش دامه‌زرانن قه‌ومه‌يلى و ريككه‌فتن وه‌ل كۆمپانيايه‌يل و مه‌سه‌له‌ى بانك ئعتماد لوبنانى و به‌ڵگه‌يل تر ك دوياخر ئه‌خريه‌ێده‌ وه‌رده‌س راێ گشتى.

YesIraq