2018-10-16 17:54:00

شه‌فه‌ق نيوز/ سه‌رچه‌وه‌يگ ئه‌منى ئاشكراى ئه‌وه‌ كرد چه‌كداره‌يليگ نه‌ناسرياێ وه‌رپرسيگ حكومى له‌ پاريزگاى نه‌ينه‌وا كوشتنه‌.

 

ئه‌و سه‌رچه‌وه‌ ئه‌را شه‌فه‌ق نيوز وت: چه‌كداره‌يليگ نه‌ناسرياێ نايف خڵه‌يف ئه‌ندام ئه‌نجومه‌ن قه‌زاى ئه‌لبه‌عاج و پۆليسيگيش ياوه‌رێ كوشتنه‌ له‌ناو سه‌ياره‌گه‌ى له‌ نزيك دۆميز له‌ قه‌زاى شه‌نگاڵ له‌ خوه‌رئاواى موسڵ.

 

جى باسه‌، ئاماژه‌ وه‌يه‌يش ئه‌كريه‌ێد هيزيگ له‌ حه‌شد شه‌عبى ك مه‌زه‌نه‌ وه‌ 17 سه‌ياره‌ى چه‌كدار ئه‌كريه‌ن له‌ى دوياخره‌ چينه‌سه‌ ناو باره‌گاى سريه‌ێ سوات سه‌ر وه‌ پۆليس نه‌ينه‌واو چوار كه‌س له‌ سوات بردنه‌و ده‌سدريژييش كردنه‌سه‌ بان بڕيگ تر.

YesIraq