2019-11-25 17:44:59

شه‌فه‌ق نيوز/ له‌ رووژه‌يل گوزه‌يشت جموجويليگ ديار چه‌كداره‌يل ريكخرياگ داعش كه‌فته‌سه‌ وه‌رچه‌و له‌ مه‌رزه‌يل پاريزگاى نه‌ينه‌وا و له‌و باوه‌تيشه‌و وه‌رپرسيگ ناوچه‌يى مه‌سه‌له‌ى ده‌ركه‌فتنه‌وه‌ى ئه‌و ريكخرياگه‌ په‌يوه‌س كرده‌ دزه‌كردن سه‌دان له‌ چه‌كداره‌يلى له‌ناو خاكه‌يل سورياوه‌ وه‌ره‌و موسڵ.

 

شێخ محێدين مزورى سه‌ركرده‌ له‌ لق 14ى پارت ديموكرات كوردستان له‌ موسڵ وت: چه‌كداره‌يل داعش جموجويليان له‌ماوه‌ى رووژه‌يليگ گوزه‌يشت له‌ مه‌رزه‌يل پاريزگاى نه‌ينه‌وا روێ له‌ زيايبوين كردگه‌و باس له‌وه‌يش كرد بڕيگ له‌ مه‌فره‌زه‌يل چه‌كداره‌يل وه‌شيوه‌يگ ئاشكرا گه‌ردن و خه‌ريك ريكخستنه‌وه‌ى خوه‌يانن له‌ ده‌ورگرد شار موسڵ.

 

مزورى هه‌ميش وت: داعش هيمان له‌ موسڵ ته‌واو نه‌ويه‌و وجوود ديرێد، چوينكه‌ مادام فكره‌ى وه‌رده‌وامه‌، ماناى ئه‌وه‌سه‌ ئه‌وانه‌ هيمان له‌ناونى ماوه‌يگ و ماوه‌يگ وجوود خوه‌يان ده‌رئه‌خه‌ن.

FaceIraq
}