2018-11-19 17:04:00

شه‌فه‌ق نيوز/ فازڵ نه‌بى بريكار وه‌رين وه‌زاره‌ت دارايى عراقى، باس له‌وه‌ كرد ك دانيشتنيگ وه‌ل وه‌زاره‌ت دارايى له‌ هه‌رێم كوردستان ساز كردنه‌و ليست وه‌ناو داواكاريه‌يل كورد له‌ پرووژه‌ ياساى بودجه‌ى گشتى عراقى ئاماده‌ كردنه‌و ئاراسته‌ى به‌غداى كردنه‌.

 

له‌ى باوه‌ته‌و، ماڵپه‌ڕ پارت ديموكرات كوردستان له‌ زووان فازڵ نه‌بى وت: كورد بڕيگ تێبينى له‌بان پرووژه‌ى بودجه‌ێ گشتى عراقيى ساڵ 2019 ديرێد، هه‌ر له‌وه‌ر ئه‌وه‌يش و له‌وه‌ر جيوه‌جيكردن فه‌رمان نه‌يچێروان بارزانى سه‌رۆك حكومه‌ت هه‌رێم دانيشتنيگ له‌ وه‌زاره‌ت دارايى ساز كريا ئه‌را تاووتوێكردن داواكاريه‌يل كورد له‌ بودجه‌، ك بڕيگ ل وه‌زيره‌يل و تايبه‌تمه‌نده‌يل گرته‌ خوه‌ێ و له‌تى بڕيگ پيشنيار پيشكه‌ش كريا تا له‌لايه‌ن شاند كورده‌و  ك سه‌ردان به‌غدا ئه‌كا پيشكه‌ش بكريه‌ێد.

 

نه‌بى هه‌ميش وت: له‌و دانيشتنه‌ پيشنيار ئه‌وه‌ كريا هه‌رێم كوردستان گله‌و بخوه‌ێد جوور ساڵه‌يل وه‌رين وه‌ل كه‌مه‌وكردن بڕه‌ پويل فريه‌ى خه‌رج سيادى و هاوردنه‌وه‌ى ئه‌و بڕگه‌يله‌ ك لاورياو له‌ بودجه‌ى وه‌رين وجوود داشت و بودجه‌ى پێشمه‌رگه‌و به‌ش هه‌رێم ته‌رخان بكريه‌ێد له‌بان ئه‌و بنه‌مايه‌يله‌ و يه‌يش ده‌رخست ك سه‌رۆك حكومه‌ت رازێ بويه‌ له‌بان ئه‌و پيشنياره‌يله‌و جه‌خت له‌وه‌ كرگه‌ ئه‌گه‌ر حكومه‌ت ناوه‌ندى پابه‌ند بدێ وه‌و پيشنياره‌يله‌، ئه‌وه‌ هه‌رێميش پابه‌ند ئه‌دێ وه‌ داواكاريه‌يليان.

YesIraq