2019-01-30 08:08:00

شه‌فه‌ق نيوز/ عاليه‌ نسه‌يف ئه‌ندام ئه‌نجومه‌ن نوێنه‌ريل، ره‌خنه‌ له‌و هه‌ڕه‌شه‌يله‌ گرت ك ئه‌سعه‌د عيدانى پاريزگار به‌سره‌ داره‌ى له‌باره‌ى به‌سانن ده‌روازه‌يل مه‌رزێ له‌ پاريزگاگه‌و وشدارى دا له‌ ته‌جاوزكردنى له‌بان ده‌سڵاته‌يل حومه‌ت ناوه‌ندى.

 

نسه‌يف له‌ به‌ياننامه‌يگ وت: عيدانى ئه‌تويه‌نێد ره‌خنه‌ له‌ رێ وشوونه‌يل ده‌سه‌ى گشتى ده‌روازه‌يل مه‌رزێ بگرێد و داواى راسه‌وكردن بكا و هوير وڕاى خوه‌ى بخاده‌ روێ وه‌ په‌سه‌نكردن يا ره‌ته‌وكردن، وه‌لێ نه‌بايه‌د هه‌ڕه‌شه‌ى به‌سانن ده‌روازه‌ى مه‌رزێ بكا له‌ پاريزگاگه‌ێ.

 

جى باسه‌، وه‌رجه‌ چه‌ن رووژيگ عيدانى هه‌ڕه‌شه‌ى به‌سانن ده‌روازه‌يل مه‌رزێ كرد ك پاريزگاگه‌ ئه‌وه‌سێده‌ وڵاته‌يل هاوسا له‌وه‌ر ناڕه‌زايى له‌بان سياسه‌ت ده‌سه‌ى گشتى گومرگه‌يل و وت: ئيمه‌ جوور حكومه‌ت ناوچه‌يى بايه‌سه‌ بڕيار سه‌روه‌خوه‌ێ بيه‌يم له‌باره‌ى ئداره‌ى ده‌روازه‌يل وه‌گووره‌ى سيسته‌م لامه‌ركه‌زێ و باس له‌وه‌يش كرد ك پاريزگاگه‌ هه‌وه‌جه‌ وه‌ 10 مليار دۆلار ديرێد ئه‌را ده‌سوه‌پيكردن پرووژه‌يل ستراتيجى.

YesIraq