2020-02-26 08:46:56

شه‌فه‌ق نيوز/ كوه‌يت بڕيار دا قه‌يه‌غه‌ى هاتن و چگن كه‌شتيه‌يل ئه‌را چين و كۆرياى باشوور و ئيتاڵيا و سه‌نگافۆره‌ و تايله‌ند و يابان و عراق بكا له‌ وسيان له‌ به‌نده‌ره‌يل كوه‌يتى.

 

ئاشكرايشى كرد كه‌شتيه‌يل سه‌ر وه‌ كه‌رت نه‌فتى دويرن له‌ قه‌يه‌غه‌ى وسانن له‌ به‌نده‌ره‌يلى كوه‌يتى.

 

جى باسه‌، ئى بڕياريشه‌ ريككه‌فت بوى وه‌ل بڵاوكريايه‌گه‌ى وه‌زاره‌ت ته‌ندروستى كوه‌يتى ، ك دو حاڵه‌ت تر تازه‌ وه‌ ڤايرۆس كۆرۆنا له‌ وڵاته‌گه‌ ئاشكرا كرد و حاڵه‌ته‌گه‌يش په‌يوه‌س بويه‌ وه‌ گه‌شت وه‌ره‌و ئيران ك وه‌يه‌يش شماره‌ى تويشهاتگه‌يل وه‌و ڤايرۆسه‌ ره‌سيه‌سه‌ 11 كه‌س تائيسه‌ له‌و وڵاته‌.

}