2019-02-10 07:34:00

شه‌فه‌ق نيوز/ وه‌رپرسيگ ناوچه‌يى و  سه‌رچه‌وه‌يگ سه‌ربازێ له‌ پاريزگاى ئه‌نبار له‌ خوه‌رئاواى عراق ئاشكراى ره‌سين هيزه‌يل تر سه‌ربازێ ئه‌مريكى كردن ئه‌را ناوچه‌ى ته‌نه‌ف عراقى له‌ مه‌رزه‌يل وه‌ل سوريا.

 

ئه‌و وه‌رپرس ناوچه‌ييه‌ ئه‌را ئاژانس ئه‌نادۆڵ توركى وت: ئه‌و هيز سه‌ربازێ ئه‌مريكيه‌ پيكهاتگه‌ له‌ بڕيگ سه‌ياره‌يل هه‌مه‌ر و تووپ و چه‌ك قورس ك ره‌سيه‌سه‌ ناوچه‌ى ته‌نه‌ف وه‌ دويرى 490 كم له‌ خوه‌رئاواى شار رومادى ناوه‌ند پاريزگاى ئه‌نبار.

 

لاى خوه‌ييشه‌و، ئه‌فسه‌ريگ له‌ سوپاى عراقى ك نه‌تواس ناوى ئاشكرا بدێ، وت: ئه‌و هيز سه‌ربازێ ئه‌مريكيه‌ له‌ بنگه‌ى عه‌ينولئه‌سه‌ده‌و هاتگه‌ له‌ ناحيه‌ى ئه‌لبه‌غدادى له‌ خوه‌رئاواى رومادى و رێ ناوده‌وڵه‌تى هاورده‌سه‌ كار ئه‌را ره‌سينى وه‌ ناوچه‌ى ته‌نه‌ف.

YesIraq
}