2018-10-25 11:27:00

شه‌فه‌ق نيوز/ وڵاته‌يل يه‌كگرتگ خوه‌شاڵه‌ وه‌ ئه‌وه‌گ په‌رله‌مان عراقى متمانه‌ دا عادل عه‌بدولمهدى سه‌رۆك وه‌زيره‌يل، ئه‌ويش دوياى ده‌نگدان له‌بان 14 وه‌زير.

 

له‌ى باوه‌ته‌، برێت ماكگۆرك كلكرياگ سه‌رۆك ئه‌مريكى ئه‌را عراق له‌ توێته‌ر وت: ئيمه‌ پيرووزبايى له‌ عادل عه‌بدولمهدى سه‌رۆك وه‌زيره‌يل تازه‌ى عراقى ئه‌كه‌يم ك قه‌سه‌م ده‌ستوورى خوارد وه‌ل 14 وه‌زير تازه‌و له‌ناونيانيش سامر غه‌زبان وه‌زير نه‌فت و لوئه‌ى خه‌تيب وه‌زير كاره‌باو فوئاد حسێن وه‌زير دارايى و محه‌مه‌د عه‌لى ئه‌لحه‌كيم وه‌زير خارجيه‌.

 

كلكرياگ ئه‌مريكى ئه‌را عراق وت: ئه‌و كانديدكرياگه‌يل جيان ئه‌را ده‌سميه‌ت عراق له‌باره‌ى خاسه‌وبوبن گورجيگ و جه‌ختيش له‌وه‌ كرد وڵاته‌گه‌ى ته‌ماشاى ريككه‌فتن هاوبه‌شى ئه‌كا وه‌ل وه‌زيره‌يل تازه‌ى عه‌بدولمهدى و به‌رهه‌م ساڵح سه‌رۆك كۆمار و محه‌مه‌د حه‌لبوسى سه‌رۆك په‌رله‌مان و وه‌زيره‌يل عراقى.

YesIraq