2018-10-16 18:04:00

شه‌فه‌ق نيوز/ وڵاته‌يل يه‌كگرتگ ئه‌مريكى، ئاشكراى پيشكه‌شكردن ده‌سميه‌ت دارايى كرد ك مه‌زه‌نه‌ وه‌ زياتر له‌ 178 مليۆن دۆلار ئه‌كريه‌ێد ئه‌را مه‌ردمه‌يليگ ئايينى سته‌مديده‌ له‌ عراق.

 

باڵيۆزخانه‌ى ئه‌مريكى له‌ عراق له‌ به‌ياننامه‌يگ ئه‌را شه‌فه‌ق نيوز وت: جون سوليفان جيگر وه‌زير خارجيه‌ى ئه‌مريكى له‌وه‌خت سه‌ردانه‌گه‌ى ئه‌را به‌غدا له‌ى هه‌فه‌ جه‌خت له‌بان پابه‌ندى وڵاته‌يل يه‌كگرتگ كردگه‌ له‌باره‌ى ده‌سميه‌تداين مه‌ردمه‌يليگ ئايينى سته‌مديده‌و له‌وانه‌يش ك له‌عراق وجوود ديرن.

 

به‌ياننامه‌گه‌ هه‌ميش وت: ئه‌مريكا شانازى ئه‌كا وه‌ پيشكه‌شكردن ئى بڕه‌ داراييه‌ له‌ ده‌سميه‌ته‌يل خارجيه‌ى ئه‌مريكى ئه‌را پشتگيرى مه‌ردمه‌يل سته‌مديده‌و يه‌يش ده‌رخست ك وڵاته‌يل يه‌كگرتگ وه‌ى ده‌سميه‌ته‌و بڕ نزيكه‌ى يه‌ك مليار دۆلار له‌ ده‌سميه‌ت پيشكه‌ش كردگه‌ له‌ساڵ 2017 تائيسه‌.

YesIraq