2019-01-27 07:46:00

شه‌فه‌ق نيوز/ وه‌رپرسيگ باڵاى سه‌ربازێ عراقى، ئاشكارى زانياريه‌يليگ كرد وه‌ ئه‌وه‌گ هيزيگ تايبه‌ت ئه‌مريكى گه‌مارۆ ئه‌بو به‌كر به‌غدادى سه‌ركرده‌ى ريكخرياگ تيرۆريستى داعش داگه‌.

 

له‌ى باوه‌ته‌و، ئه‌لعه‌ره‌بى ئه‌لجديد له‌ زووان ئه‌و وه‌رپرسه‌ وت: هيزيگ تايبه‌ت ئه‌مريكى له‌رێ هه‌رێم كوردستان چيه‌سه‌ ناو خاكه‌يل سوورى وه‌ل يه‌كينه‌يگ چه‌كدار له‌ هيزه‌يل ديموكرات سوريا دوياى وه‌رگرتن زانيارى له‌باره‌ى وجوود به‌غدادى له‌ ناوچه‌يگ وه‌ روێوه‌ر نزيكه‌ى 10 كليۆمه‌تر چوارگووه‌ له‌ چوارچێوه‌ى پاريزگاى دێره‌زۆر مه‌رزێ وه‌ل عراق وه‌تايبه‌ت له‌ ريف دێره‌زۆر له‌ناونى باغوز و موراشده‌ له‌ باشوور و ناوچه‌ى سفافنه‌ له‌ خوه‌رئاواو بياوان ئه‌لبوكه‌مال ك له‌خوه‌رهه‌ڵاته‌و ره‌سيده‌ عراق.

 

وه‌ گووره‌ى قسه‌ى ئه‌و وه‌رپرسه‌، ئه‌و هيز ئه‌مريكه‌ له‌ناو بنگه‌يگ سه‌ربازێ له‌ شار هه‌ولێر جوود داشتگه‌و جيواز بويه‌ ئه‌را ناو خاك سورياو ئيسه‌يش سوپاى ئه‌مريكى ئه‌خوازێد به‌غدادى وه‌ زينگى بگرێد و ئه‌و ناوچه‌يله‌ گه‌مارۆ داگه‌ ك گومان ئه‌كريه‌ێد به‌غدادى له‌تى وجوود داشتوود.

YesIraq