2020-03-04 17:57:13

شه‌فه‌ق نيوز/ سه‌رچه‌وه‌يگ سياسى باس له‌وه‌ كرد هيزه‌يل شيعه‌ وه‌نيازن دانيشتنيگ گرنگ له‌ ماڵ هادى عامرى سه‌رۆك هاوپه‌يمانى فه‌تح ئه‌نجام بيه‌ن ئه‌را تاووتوێكردن كانديد سه‌رۆكايه‌تى وه‌زيره‌يل و ئاماژه‌يش وه‌ وجوود دو سيناريۆ و چوار كانديد ئه‌را سه‌رۆكايه‌تى وه‌زيره‌يل كرد.  

 

سه‌رچه‌وه‌گه‌ ئه‌را شه‌فه‌ق نيوز وت: هه‌ر يه‌ك له‌ نورى مالكى سه‌رۆك ئئتلاف ده‌وڵه‌ت ياسا و عه‌مار حه‌كيم سه‌رۆك ره‌وت حيكمه‌و عه‌دنان فه‌يحان سه‌رۆك فراسيۆن سادقون له‌و دانيشتنه‌ ئاماده‌ بوون.

 

سه‌رچه‌وه‌گه‌ يه‌يش ده‌رخست له‌و دانيشتنه‌ ناو چوار كه‌س ئه‌را پۆست سه‌رۆك ئه‌نجمه‌ن وه‌زيره‌يل ئاينده‌ ئه‌خريه‌ێده‌ روێ ك پيكهاتنه‌ له‌: ئه‌سعه‌د عيدانى، محه‌مه‌د شياع سودانى، مسته‌فا كازمى، عه‌لى شكرى، وه‌ل وجوود دو سيناريۆ ئه‌را پيشكه‌شكردن كانديد، يه‌كه‌ميان له‌و دانيشتنه‌ ريككه‌فتن بكريه‌ێد له‌بان هه‌ڵوژانن يه‌كيگ له‌و چوار كه‌سه‌، يا پيشكه‌شكردنيان ئه‌را به‌رهه‌م ساڵح سه‌رۆك كۆمار تا سه‌رۆك كۆمار  يه‌كيگ له‌ليان هه‌ڵوژنێد.

}