2018-12-31 17:36:00

شه‌فه‌ق نيوز/ ليوا تامير هيمان سه‌ركرده‌ى هه‌واڵگيرى سه‌ربازێ ئسرائيلى، ئه‌وه‌ ده‌رخست ك ئيران ئه‌تويه‌نێد نفوز فريه‌ێ له‌ عراق وه‌كار بارێد له‌وه‌ر وه‌كارهاوردن ئى وڵاته‌ جوور بنگه‌يگ ئه‌را ئه‌نجامداين په‌لاماره‌يلێ له‌لێه‌و ئه‌را بان ئسرائيل.

 

هيمان له‌ وته‌يگى له‌ كۆنگره‌يگ له‌ ته‌ل ئه‌بيب وت: نفوز ئيران له‌ عراق زياێ ئه‌كا وه‌تايبه‌ت له‌لايه‌ن كتيبه‌ێ قودسه‌و، ك هه‌ر وه‌و خاتريشه‌ ئسرائيل چه‌ن جاريگ وشدارێ داگه‌ له‌وه‌گ ئيران پايه‌ێ خوه‌ى له‌ عراق پته‌و بكاو له‌وانه‌يش له‌ڕێ هاوكارى گرووپه‌يل چه‌كدار چالاك شيعه‌ وه‌تايبه‌ت حه‌شد شه‌عبى ك له‌ساڵه‌يل گوزه‌يشت به‌شدارى له‌ هه‌ڵمه‌ت دژ وه‌داعش كرد شان وه‌شان هيزه‌يل حكومى عراقى.

 

جى باسه‌، له‌ كووتايه‌يل مانگ ئاب گوه‌يشتيش راپۆرته‌يليگ باس له‌وه‌ كردن ك سوپاى ئيرانى مووشه‌ك ئه‌را هيزه‌يل هاوپه‌يمان وه‌ليا له‌ عراق جيواز كردگه‌و ئسرايليه‌يل وه‌ ئه‌وه‌ تاريف كردن ك ئه‌و كاره‌ جواودانه‌وه‌يگ بويه‌ ئه‌را په‌لاماره‌يل ئسرائيلى ئه‌را بان بنگه‌يل ئيران له‌ سوريا.

YesIraq