2019-04-08 08:14:00

شه‌فه‌ق نيوز/ ماڵپه‌ڕ ئه‌لكترۆنى هه‌واڵگرى ئسرائيلى"ديبكا"، باس له‌وه‌ كرد دۆناڵد تره‌مپ سه‌رۆك ئه‌مريكا، پاسه‌وان شۆڕش ئيرانى خسته‌سه‌ ليست تيرۆر و يه‌يش ئاقبه‌ت خراويگ له‌لى ئه‌كه‌فێده‌و له‌بان ناوچه‌ى خوه‌رهه‌ڵات ناوين وه‌تايبه‌ت له‌ سوريا و عراق.

 

ماڵپه‌ڕه‌گه‌ وت: له‌حاڵه‌تيگ ئه‌گه‌ر ئعلان كريا پاسه‌وان شۆڕش ريكخرياگيگ تيرۆريستيه‌، ئه‌وه‌ ئه‌دێده‌ سابقه‌يگ له‌ مێژوو و ئيرانيش ده‌س ئه‌كاده‌ هه‌ڕه‌شه‌ى راسه‌وخۆ له‌ وڵاته‌يل يه‌كگرتگ ئه‌مريكى چ هيزه‌يل ئه‌مريكى له‌ خوه‌رهه‌ڵات ناوين يا سوپاى ئه‌مريكى وه‌گشتى.

 

جى باسه‌، ماڵپه‌ڕه‌گه‌ هه‌ميش وت: ئه‌گه‌ر ئى ئعلانه‌ جيگير كريا، ئه‌وه‌ كاريگه‌رێ ئه‌كاده‌ بان بانكه‌يل عراق و ئۆرپى، وه‌تايبه‌ت ئه‌وانه‌گ مامڵه‌ وه‌ل ئيران ئه‌كه‌ن بيجگه‌ ئه‌و كه‌سه‌يليشه‌ مامڵه‌ وه‌ل ته‌هران ئه‌كه‌ن و له‌هه‌مان وه‌خت په‌لاماره‌يل ئسرائيليش ئه‌را بان هيزه‌يل ئيرانى له‌ سوريا زياێ ئه‌كاو دويريش نيه‌ ناوچه‌يليگيش له‌ خوه‌رئاواى عراق بگرێده‌و.

YesIraq