2019-05-16 10:20:07

شه‌فه‌ق نيوز/ هيزه‌يل ديموكرات سوريا، ئاشكراى په‌لاماريگ كردن دژ ئه‌وانه‌گ په‌يوه‌ندى وه‌ ريكخرياگ تيرۆريستى داعشه‌و ديرن له‌ شاريگ ستراتيجى له‌ پاريزگاى دێره‌زۆر ده‌وڵه‌مه‌ن وه‌ نه‌فت له‌ خوه‌رهه‌ڵات سوريا.

 

له‌ى باوه‌ته‌و، هيزه‌يل سورياى ديموكرات له‌ به‌ياننامه‌يگ وتن: هيزه‌يلمان ده‌سكردنه‌سه‌ هه‌ڵمه‌تيگ ئه‌را پاكه‌وكردن ده‌ورگرد شاروچكه‌ى ئه‌لشحێل و هه‌ر له‌ سه‌ره‌تاى هه‌ڵمه‌تگه‌يش نزيكه‌ى 20 تيرۆريست ده‌سگير كريانه‌و بريگ شوون و تونێل تيرۆريسته‌يليش ئاشكرا كريانه‌ ك هاورديانه‌ى كار ئه‌را په‌لامارداين بيجگه‌ ده‌سوه‌سه‌رگرتن بريگ چه‌ك و ته‌قه‌مه‌نييش.

 

جى باسه‌، له‌ى باوه‌تيشه‌و مسته‌فا بالى قسه‌كه‌ر وه‌ناو هيزه‌يل سورياى ديموكرات وت: ئى هه‌ڵمه‌ته‌ شانه‌يگ گرنگ تونڕه‌وه‌يل داعش له‌ناو شاروچكه‌ى ئه‌لشحێل گرته‌سه‌ ئامانج ك به‌شيگه‌ له‌ رويوه‌ر گه‌ورايگ خاك له‌ باكوور خوه‌رهه‌ڵات سوريا.

YesIraq
}