2019-04-02 16:26:00

شه‌فه‌ق نيوز/ هاوپه‌يمانى خاسسازى و بنيتانان, ئاشكراى ئه‌وه‌ كرد ك مه‌سه‌له‌ى كووتاييهاوردن وه‌ ئداره‌ى پۆسته‌يل له‌ ده‌وڵه‌ت عراقى وه‌رجه‌ كووتايى مانگ حزه‌يران ئايده‌ كاريك حه‌تميه‌.

 

له‌و باوه‌ته‌و, وه‌ليد سه‌هلانى ئه‌ندام ئه‌نجومه‌ن نوێنه‌ره‌يل له‌بان هاوپه‌يمانيه‌گه‌ ئه‌را شه‌فه‌ق نيوز وت: په‌رله‌مان له‌ ياساى بودجه‌ى 2019 وه‌ مادده‌يگ ياسايى ده‌نگ داگه‌, وه‌ ئه‌وه‌گ له‌ كووتايى مانگ حزه‌يران ئاينده‌ ته‌كليف هه‌ركه‌سيگ له‌ ئداره‌كردن هه‌ر پۆستيگ له‌ ده‌وڵه‌ت وه‌ وه‌كاله‌ت كووتايى ئه‌ياد.

 

سه‌هلانى هه‌ميش وت: له‌ حاڵه‌تيگ هه‌ركه‌سيگ بمينێده‌و وه‌ وه‌كاله‌ت له‌ پۆست, ئه‌و له‌ى حاڵه‌ته‌ ده‌رماڵه‌ى دارايى و ده‌سڵات ئدارى له‌لێ بڕيه‌ێد و يه‌يش فه‌رمانيگ حه‌تميه‌.

YesIraq