2019-01-01 17:08:00

شه‌فه‌ق نيوز/ ناوه‌ند ره‌سانن شماره‌يى ئاشكراى ئه‌وه‌ كرد كۆمپانياێ فه‌يسبوك ده‌يان لاپه‌ڕه‌ێ ساخته‌ى سياسيه‌يل عراقى كوشانه‌سه‌و ك خوه‌يشى له‌ لاپه‌ڕه‌يل سه‌رۆك كۆمار و سه‌رۆك ئه‌نجومه‌ن نوێنه‌ره‌يل و سه‌رۆك وه‌زيره‌يليش دوينێده‌و له‌ ماوه‌ى چه‌ن هه‌فته‌يگ گوزه‌يشت.

 

له‌ى باوه‌ته‌و، تيم ناوه‌نده‌گه‌ له‌ به‌يانننامه‌يگ ئه‌را شه‌فه‌ق نيوز وت: نزيكه‌ى 18 لاپه‌ڕه‌ى ساخته‌ كوشيانه‌سه‌و ك سفه‌ت به‌رهه‌م ساڵح سه‌رۆك كۆمار ئه‌را خوه‌يان نانه‌و 31 لاپه‌ڕه‌ ناو عادل عه‌بدولمه‌دى سه‌رۆك ئه‌نجومه‌ن وه‌زيره‌يل و 30 لاپه‌ڕه‌ى ساخته‌ وه‌ناو محه‌مه‌د حه‌لبوسى سه‌رۆك ئه‌نجومه‌ن نوێنه‌ره‌يل بيجگه‌ لاپه‌ڕه‌يل تر ساخته‌  وه‌ناو سياسيه‌يل عراقى.

 

ناوه‌نده‌گه‌ باس له‌وه‌ كرد ك فه‌يسبوك وه‌رده‌وامه‌ له‌ لاوردن هساوه‌يل ساخته‌ى سياسى ك دروو بڵاو ئه‌كه‌ن و زانياريه‌يل نادروس ئه‌يه‌ن له‌ ماڵپه‌ڕ فه‌يسبوك.

YesIraq