2019-06-09 20:11:48

شه‌فه‌ق نيوز/ هه‌رسێ سه‌رۆكايه‌تى له‌ كوشك سه‌لام له‌ به‌غدا، دانيشتنيگ وه‌ ئاماده‌بوين به‌رهه‌م ساڵح سه‌رۆك كۆمار و عادل عه‌بدولمه‌هدى سه‌رۆك ئه‌نجومه‌ن وه‌زيره‌يل و محه‌مه‌د حه‌لبوسى سه‌رۆك ئه‌نجومه‌ن نوێنه‌ره‌يل ئه‌نجام دان.

 

له‌ى باوه‌ته‌و، سه‌رۆكايه‌تى كۆمار له‌ به‌ياننامه‌يگ وت: له‌و دانيشتنه‌ باس له‌ بارودوخ سياسى و ئابوورى و ئه‌منى و برياردانان له‌ وڵاته‌گه‌ كرياگه‌ وه‌ل مه‌سه‌له‌ى ته‌واوكردن كابينه‌ وه‌زاريه‌گه‌و تاووتوێكردن ئه‌وه‌گ له‌ به‌رنامه‌ حكوميه‌گه‌ جيوه‌جێ كرياگه‌و گرنگى ته‌واوكردنى ئه‌را به‌رژه‌وه‌ندى هاووڵاتيه‌يل.

 

به‌ياننامه‌گه‌ يه‌يش ده‌رخست له‌و دانيشتنه‌ باسيش له‌ بارودوخ كه‌ركوك و دياله‌يش كرياگه‌، بيجگه‌ جه‌ختكردن له‌ يه‌كخستن هه‌وڵه‌يل له‌وه‌رخاتر ده‌سه‌وه‌ركردن ئارامى و سه‌قامگيرى له‌ڕێ پشتبه‌سانن وه‌ گفتگوو بنياتنه‌ر و بڵاوكردنه‌وه‌ى گيان وه‌يه‌كه‌وژيان له‌ناونى پيكهاته‌يل و به‌شداركردن گشتلايگ له‌ ئداره‌كردن وڵات.

YesIraq
}