2018-10-19 09:58:00

شه‌فه‌ق نيوز/ كۆلۆنێل شون راين قسه‌كه‌ر وه‌ناو هاوپه‌يمان ناوده‌وڵه‌تى دژ ريكخرياگ داعش، وت: ئه‌و ريكخرياگه‌ هيمان له‌ بريگ شوون له‌ ناوچه‌يليگ له‌ عراق وجوود ديرێد.

 

راين له‌باسيگ ئه‌را "راديۆ سه‌وا"ى ئه‌مريكى وت: وه‌چه‌و خوه‌مان بڕيگ له‌ چه‌كداره‌يل داعش له‌ ئه‌نبار دوينيم و له‌كه‌ركوكيش، ك زويتر شماره‌يگ له‌وانه‌ له‌ناوچه‌ى دووڵ ده‌رياچه‌ى فورات واينه‌.

 

راين باس له‌وه‌يش كرد ك هيزه‌يل ئه‌منى عراقى ئه‌گه‌ردێده‌ شوون ئه‌و چه‌كداره‌يل داعشه‌و له‌ هه‌مان وه‌خت هيزه‌يل ديموكرات سوريايش حاڵ حازر جه‌نگ وه‌ليانا ئه‌كا له‌ دووڵ فورات له‌ سوريا، ك شماره‌ى تيرۆريسته‌يل داعش له‌ ناوچه‌يل جه‌نگ له‌ دووڵ فورات ها ناونى 1500 تا 2000 چه‌كدار.

YesIraq