2019-04-06 07:31:00

شه‌فه‌ق نيوز/ نويسينگه‌ى عه‌لى سيستانى مه‌رجه‌ع باڵاى ئايينى له‌ عراق، ئاشكراكردنيگ دا له‌باره‌ى كه‌ناڵيگ له‌ تيليگرام وه‌ ناويه‌و.

 

نويسينگه‌گه‌ له‌ به‌ياننامه‌يگ ئه‌را شه‌فه‌ق نيوز وت: نويسينگه‌ى سيستانى ئاگادار ئيمانداره‌يل ئه‌كا كه‌ناڵيگ له‌ تيليگرام هه‌س وه‌ناو(نويسينگه‌ى سه‌يد سيستانى)كار ئه‌كا ئه‌را جواودانه‌وه‌ى پرسياره‌يل شه‌رعى، ئى كه‌ناڵه‌ هويچ په‌يوه‌ندييگ وه‌ نويسينگه‌ى سه‌يد سيستانى و ماڵپه‌ڕه‌ فه‌رميه‌گه‌ى له‌بان تووڕ ئه‌نته‌رنێت نه‌يرێد و فه‌تواو هه‌واڵه‌يل نادروس بڵاو ئه‌كا.

 

به‌ياننامه‌گه‌ يه‌يش ده‌رخست و وت: ئاگادار ئيمانداره‌يل ئه‌كه‌يم پشت وه‌و كه‌ناڵه‌ نه‌وه‌سن و نزيكيه‌و نه‌ون، جاريگتر جه‌خت له‌وه‌ ئه‌كه‌يم ئى كه‌ناڵه‌ په‌يوه‌ندى وه‌ سه‌ماحه‌تيه‌و نه‌يرێد و نويسينگه‌گه‌ هويچ به‌شدارييگ له‌بان تووڕه‌يل په‌يوه‌ندى كۆمه‌ڵايه‌تى نه‌يرێد.

YesIraq