2020-03-24 08:40:51

شه‌فه‌ق نيوز/ سه‌ندووق ناوده‌وڵه‌تى ئاشكراى ئه‌وه‌ كرد ده‌يان ده‌وڵه‌ت له‌ خوه‌رهه‌ڵات ناوين و له‌ناوڕاس ئاسيا په‌يوه‌ندى وه‌رده‌وام ديرن وه‌ل سه‌ندووقه‌گه‌و داواى پشگيرى دارايى كردنه‌ ئه‌را روێ وه‌ڕوێ بوينه‌وه‌ى ڤايرۆس كۆرۆنا ك كاريگه‌رى كرده‌سه‌ بان بار ئابوورى.

 

له‌ى باوه‌ته‌و، جيهاد ئه‌زعور وه‌ڕيه‌وبه‌ر ئداره‌ى خوه‌رهه‌ڵات ناوين و ئاسياى ناوڕاس، وت: ته‌حداى كۆرۆنا وه‌شيوه‌يگ تايبه‌ت رخه‌وبه‌ره‌ ئه‌را ده‌وڵه‌ته‌يل ويرانبوێ و شيوياێ جوور عراق و سودان و يه‌مه‌ن.

 

جى باسه‌، زويتريش سه‌ندووق نه‌خت ناوده‌وڵه‌تى پيشبينى ئه‌وه‌ كرد په‌تاى كۆرۆنا كاريگه‌رى فريه‌يگ داشوود له‌بان ئابوورى جه‌هانى.

}