2019-02-01 08:12:00

شه‌فه‌ق نيوز/ عاليه‌ نسه‌يف ئه‌ندام ئه‌نجومه‌ن نوێنه‌ره‌يل داوا له‌ به‌رهه‌م ساڵح سه‌رۆك كۆمار كرد ده‌خاڵه‌ت بكا ئه‌را مقه‌يه‌تيكردن له‌ پيشه‌سازيه‌يل نيشتمانى ك وه‌ كاره‌سات تاريفى كرد وه‌ ئه‌وه‌گ سه‌دان كاڵاى جوراوجوور و هاورياێ باج گومرگى له‌بانيان نيه‌.

 

نسه‌يف له‌ به‌ياننامه‌يگ وت: گشت ده‌وڵه‌ته‌يل جه‌هان باج گومرگى ديرن له‌بان كه‌مترين چشت ك ئه‌ياده‌ ناو وڵاته‌يليان و تائيسه‌يش بڕيگ له‌ ده‌وڵه‌ته‌يل باج له‌بان مۆبايل شه‌خسييش وه‌رئه‌گرن له‌حاڵه‌تيگ ئه‌گه‌ر ئه‌و ميوانه‌ له‌ناو وڵاته‌يليان ئه‌را زياتر له‌ چوار مانگ بمينێد ك ئه‌گه‌ر پويل نه‌ياد له‌بانى خه‌ته‌گه‌ى به‌سيه‌ێد، يه‌يش له‌وه‌ختيگ له‌ عراق بازاڕ وازه‌ له‌وه‌رده‌م گشتلايگ وه‌بى باج و گومرگ و حكومه‌تيش شكايه‌ت له‌ده‌س كه‌مى بودجه‌ ئه‌كاو روێ له‌ قه‌رزه‌يل ده‌ره‌كى ئه‌كا.

 

جى باسه‌، نسه‌يف هه‌ميش وت: يه‌كيگ له‌ هووكاره‌يل ويرانكردن پيشه‌سازى نيشتمانى و ناتوانايى له‌بان ركاربه‌رى كاڵايه‌يل هاورياێ له‌ڕێ نرخه‌يله‌و ئه‌وه‌سه‌ باج گومركى له‌بانى دانانريه‌ێد له‌لايه‌ن مسته‌ورده‌و جوور مه‌سه‌له‌ى وه‌خشين ئوردن له‌ باج گومرگى له‌ 371 مادده‌ ك ززروه‌ له‌ عراق دروس ئه‌كريه‌ێد بيجگه‌ سيف و ته‌ماته‌و خايه‌و مامر.

YesIraq