2018-09-27 17:32:00

شه‌فه‌ق نيوز/ وه‌زاره‌ت ناوخوه‌يى عراقى، ئاشكراى وازكردن په‌يجوورى وه‌په‌له‌يگ كرد له‌باره‌ى كوشيان نمايشكار ناودار تاره‌ فارس.

 

وه‌زاره‌ته‌گه‌ له‌ به‌ياننامه‌يگ ك شه‌فه‌ق نيوز ئاگادارێ بوى، ئه‌وه‌ ده‌رخست ك په‌يجوورێ وه‌په‌له‌يگ واز كردگه‌ ئه‌را زانستن چوينێتى كه‌فتنه‌وه‌ى رويداگ كوشيانه‌گه‌ێ تاره‌ فارس شه‌معون ك ئيواره‌ى ئمڕوو كه‌فته‌ وه‌ر 3 گوله‌و يه‌كسه‌ر مرد له‌ ناوچه‌ى كه‌مپ ساره‌ له‌ به‌غداى پايته‌خت.

 

به‌ياننامه‌گه‌ يه‌يش ده‌رخست ك ليژنه‌يگيش له‌لايه‌ن پۆليس به‌غداوه‌ حاڵ حازر ده‌سكرده‌سه‌ وشكانن فراوانيگ ئه‌را زانستن هووكار ئه‌و روێداگه‌و ده‌رخستن تاوانباره‌يل و ره‌سين وه‌پيان وه‌خاتر پيشكه‌شكردنيان ئه‌را دادگا.

YesIraq