2019-12-30 18:32:32

شه‌فه‌ق نيوز/ وه‌زاره‌ت خارجيه‌ى روسيا، باس له‌وه‌ كرد په‌لاماره‌يل ئه‌مريكا ئه‌را بان باره‌گايه‌يليگ سه‌ربازى له‌ خوه‌رئاواى عراق و خوه‌رهه‌ڵات سوريا قه‌بولكرياى نيه‌.

 

وه‌زاره‌ته‌گه‌ له‌ به‌ياننامه‌يگ وت: مۆسكۆ فريه‌ نيگه‌رانه‌ وه‌رانوه‌ر په‌لاماره‌يلى ده‌رهه‌ق كه‌تيبه‌يل حزبوڵلا له‌ عراق و سورياو جه‌نگ ناونيان وه‌ل هيزه‌يل ئه‌مريكى جيگير له‌ناو خاكه‌يل عراقى.

 

به‌ياننامه‌گه‌ ئاماژه‌ وه‌يه‌يش كرد ده‌سڵاته‌يل عراقى ئدانه‌ى ئه‌و په‌لاماره‌يله‌ ئه‌مريكيه‌ ئه‌كه‌ن وه‌ ده‌سدريژى له‌بان سه‌روه‌رى وڵاته‌گه‌ و هه‌ڕه‌شه‌كردن له‌ ئاسايش تاريفى ئه‌كه‌ن.

}