2020-03-01 18:32:30

شه‌فه‌ق نيوز/ پاريزگاى ميسان، ئاشكراى له‌وه‌رگرتن رێ وشوونه‌يل خواست ته‌ندروستى كرد ئه‌را رێگرى له‌ ڤايرۆس كۆرۆنا و هه‌ر وه‌و خاتريشه‌ ده‌زگايه‌يل حكومى و پاركه‌يلى تا كووتايى ئى هه‌فته‌ داخست.

 

پاريزگاگه‌ له‌ به‌ياننامه‌يگ ئه‌را شه‌فه‌ق نيوز وت: عه‌لى ده‌واى لازم پاريزگار ميسان رينمايى داسه‌ ليژنه‌ى باڵا و شانه‌ى چه‌وديرى ده‌زگاى خانه‌نشينى و باج و سه‌رپه‌رشتى كۆمه‌ڵايه‌تى تا رووژ په‌نجشه‌ممه‌ى ئى هه‌فته‌ دابخريه‌ن بيجگه‌ داخستن پارك و باخچه‌يل و رينماييكردن ده‌زگايه‌يل ده‌وڵه‌ت ئه‌را كه‌مه‌وكردن شماره‌ى كارمه‌نده‌يل.

 

جى باسه‌، ده‌واى فه‌رمانيش داگه‌ هاووڵاتيه‌يل سه‌ردان نه‌خوه‌شه‌يل له‌ نه‌خوه‌شخانه‌يل نه‌كه‌ن و ته‌نيا يه‌ك كه‌س وه‌ل نه‌خوه‌شيگ بمينێد له‌ نه‌خوه‌شخانه‌يل وه‌ل پاككردنه‌وه‌ى شوونه‌يل گشتى و هوشياركردنه‌وه‌ى مه‌ردم ئه‌را خوه‌يمقه‌يتيكردن ته‌ندروستى و ريگرى له‌ ڤايرۆس كۆرۆنا.

}