2019-02-05 08:11:00

شه‌فه‌ق نيوز/ دوياى وه‌سه‌رچگن دو ساڵ له‌بان جه‌نگ ك له‌تى هيزه‌يل عراقى شار موسڵ هاوردنه‌و له‌ژێر ده‌سڵات داعش، هيمان ده‌سڵاته‌يل ئه‌و كه‌ره‌سه‌يل ته‌واوه‌ نه‌يرن ئه‌را لاوردن ويرانه‌يل ناو شاره‌گه‌و شار موسڵ گير كردگه‌ وه‌ ده‌س سه‌ختيه‌يل دارايى و ئه‌و خيزانه‌يليشه‌ ك ناچار بوينه‌ بنيات بكه‌ن ئيسه‌يش ناچارن قه‌رز بكه‌ن ئه‌را ته‌واوكردن بنياته‌گه‌يان.

 

له‌ى باوه‌ته‌و، مه‌ردم شاره‌گه‌ باوه‌ڕيان ئه‌وه‌سه‌ هه‌رچه‌نى ماوه‌ى خاسازى له‌ موسڵ دريژه‌ بكيشێد ئه‌وه‌نه‌ ئه‌رك كۆمه‌ڵه‌يل چه‌كدار ئاسانتره‌و ئه‌كا له‌ هاتنه‌وه‌ ئه‌را شاره‌گه‌و وه‌سه‌ربازكردن مه‌ردمه‌گه‌ێ، ك هيمان تائيسه‌ بارودوخه‌گه‌ له‌باره‌ ئه‌را هاتنه‌وه‌ى ئه‌و ريكخرياگه‌و له‌وانه‌ش هووكاره‌يل گه‌ناته‌كارى و كه‌مته‌رخه‌مى حكومه‌ت له‌ كۆمه‌ڵه‌گه‌يل نيشته‌جێ.

 

جى باسه‌، مه‌ردم ئه‌و شاره‌ باس له‌وه‌ ئه‌كه‌ن ك زياتر ئه‌را مناڵه‌يل ئه‌ترسن له‌وانه‌گئه‌گه‌ردنه‌ ناو ويرانه‌يل شاره‌گه‌و پيشبينى ئه‌وه‌يش ئه‌كه‌ن ئه‌و مناڵه‌يله‌ بوونه‌ نه‌وه‌ى دوياتر له‌ ريكخرياگ داعش و هيمان چاره‌سه‌ر جددى ئه‌را ئه‌و شاره‌ نه‌كرياگه‌.

YesIraq
}