2019-01-03 17:48:00

شه‌فه‌ق نيوز/ بزووتنه‌وه‌ى "بابليون" سه‌ر وه‌ حه‌شد شه‌عبى ك رايان كلدانى سه‌رۆكايه‌تى ئه‌كا، داوا له‌ سه‌يد عه‌لى سيستانى مه‌رجه‌ع باڵا كرد هه‌ڵويست بيه‌ێد له‌و لێدوانه‌ ك سه‌رۆك وه‌قف شيعه‌ داره‌ى له‌باره‌ى ئاهه‌نگه‌يل ساڵ له‌دايگبوين مه‌سيح سڵام خودا له‌لى.

 

بزووتنه‌وه‌گه‌ له‌ نامه‌يگ ئه‌را سيستانى ك شه‌فه‌ق نيوز ئاگادارێ بوى وت: نامه‌يگ واز ئاراسته‌ ئه‌كه‌يم و له‌تى داوا ئه‌كه‌يم رێ وشوون گورج له‌وه‌ر بگيريه‌ێد ده‌رهه‌ق ئه‌وه‌گ فه‌توا وه‌ چه‌واشه‌ێ رێره‌دان‌ دا له‌وه‌ختيگ ك دڵنگ وه‌رپرسيارێتى ئاينى پووشاگه‌و خوه‌ى وه‌ به‌شيگ له‌ دام وده‌زگايه‌يلدان هساو ئه‌كا.

 

بزووتنه‌وه‌گه‌ هه‌ميش وت: له‌ هه‌فته‌ى گوزه‌يشت تاوانيگ حاشاكه‌ر ده‌رهه‌ق يه‌كگرتگى نيشتمانى دريا، وه‌جووريگ ك ده‌نگه‌يل له‌ژير عه‌مامه‌و له‌ وته‌ى مه‌نبه‌ره‌يله‌و ده‌رچێ و ئويشيد: جه‌ژن له‌دايگبوين حاشا له‌لێ كرياگه‌، ك بيجگه‌ خراوى قسه‌گه‌ له‌وه‌ خراوتريش ئه‌وه‌ بوێ ك پياوه‌يل ئايينى ته‌نيا نوێنه‌رايه‌ى خوه‌يان ناكه‌ن، به‌ڵكوو جى داخه‌ له‌بان ده‌زگايه‌يل فه‌رمى ئايينييش هساون و له‌ هه‌مان وه‌خت مه‌سيحيه‌يل داواى ئه‌وه‌يش كردن موسه‌وى لاوريه‌ێد يا موحاسبه‌ بكريه‌ێد تا  په‌يام بڕه‌سيده‌ جاده‌ى كشتى و مه‌سيحى وه‌ ئه‌وه‌گ مه‌رجه‌عيه‌ت لێدوانه‌يل خراو له‌خوه‌ێ ناگرێد.

YesIraq