2019-03-14 18:07:00

شه‌فه‌ق نيوز/ وه‌زاره‌ت خارجيه‌ى مسرى خوه‌شاڵ بوێ وه‌ ده‌ركردن حوكميگ له‌لايه‌ن دادگاى عراقييه‌و ئه‌را له‌سێداره‌داين بكوشه‌يل ئيهاب ئه‌لشه‌ريف باڵيۆزه‌ وه‌رينه‌گه‌ى له‌ به‌غدا له‌ساڵ 2005.

 

خارجيه‌ى مسرى له‌ به‌ياننامه‌يگ وت: خوه‌شاڵيم وه‌ حوكم له‌سێداره‌داين ده‌رهه‌ق وه‌و هه‌ردوگ تاوانباره‌ ك به‌شدار بوينه‌ له‌ تاوان رفانن ئيهاب ئه‌لشه‌ريف باڵيۆز وه‌رين له‌ به‌غدا له‌ يۆليۆى ساڵ 2005 و كوشتنى.

 

به‌ياننامه‌گه‌ وت: وه‌زاره‌ت خارجيه‌ى جه‌خت له‌وه‌يش ئه‌كا ك وه‌ وه‌رده‌وام هه‌وڵ ئه‌وه‌يش ئه‌ياد گشت مافه‌يل شه‌هيده‌يل وه‌ده‌س بارێد ك گيان خوه‌يان كردنه‌سه‌ قوربان نيشتمان.

YesIraq