2019-04-23 06:37:00

شه‌فه‌ق نيوز/ باڵيۆز به‌سام رازى, قسه‌كه‌ر وه‌ناو سه‌رۆكايه‌تى مسرى ئه‌وه‌ ده‌رخست ك عه‌بدولفه‌تاح سيسى په‌يوه‌ندييگ ته‌له‌فۆنى له‌ عادل عه‌بدولمه‌هدى سه‌رۆك ئه‌نجومه‌ن وه‌زيره‌يل عراقى وه‌پى ره‌سيه‌.

 

له‌ى باوه‌ته‌و، رووژنامه‌ى ئه‌لئه‌هرام وت: سه‌رۆك وه‌زيره‌يل عراقى له‌وه‌خت په‌يوه‌نديه‌گه‌ێ پيروزبايى له‌ ملله‌ت مسرى كردگه‌ وه‌ بوونه‌ى ئه‌نجامداين راپرسى له‌بان هه‌مواركردنه‌وه‌ى سه‌ركه‌فتگ ده‌ستوورێ و باس له‌ روێداگه‌يل خاس كردگه‌ له‌ مسر له‌بان گشت ئاسته‌يل وه‌تايبه‌ت ئابوورى و ته‌نمه‌وێ وه‌دريژايى ساڵه‌يل گوزه‌يشت.

 

جه‌خت له‌وه‌يش كرد وڵاته‌گه‌ێ رێزگرتن فريه‌يگ ديرێد ئه‌را مسر و سه‌رۆكه‌گه‌ێ له‌ چوارچێوه‌ى په‌يوه‌نديه‌يل قويل مێژوويى له‌ناونى مسر و عراق له‌بان هه‌ردوگ ئاست فه‌رمى و مللى.

 

يه‌يش له‌وه‌ختيگ به‌سام رازى وت: له‌ په‌يوه‌ندى ناونى هه‌ردوگ سه‌رۆك باس له‌ ريه‌يل پته‌وكردن په‌يوه‌نديه‌يل دولايه‌نه‌ى ناونى هه‌ردوگ وڵات كرياگه‌ وه‌تايبه‌ت ئه‌وه‌گ له‌وه‌خت كۆنگره‌ى سێقۆڵى‌ ناونى مسر و عراق وئوردن كه‌فته‌و ك مانگ گوزه‌يشت له‌ قاهيره‌ ساز كريا.

YesIraq