2020-02-25 07:51:57

شه‌فه‌ق نيوز/ محه‌مه‌د ته‌وفيق عه‌لاوى سه‌رۆك حكومه‌ت راسپارياێ، جه‌خت له‌ وجوود هه‌وڵه‌يليگ كرد ئه‌را شكه‌ستهاوردن مه‌سه‌له‌ى پيكهاوردن حكومه‌ته‌گه‌ى ك بڕياره‌ دوياى رووژ په‌نجشه‌ممه‌ له‌ په‌رله‌مان عراقى ده‌نگ له‌بانى بدريه‌ێد.

 

عه‌لاوى له‌ توێته‌ر وت: قسه‌يليگ وه‌گووشم ره‌سيه‌ ك پلانيگ هه‌س ئه‌ر شكه‌ستهاوردن وه‌ جيوه‌جيكردن حكومه‌ت وه‌بوونه‌ى ناتوانايى له‌بان وه‌رده‌وامبوين له‌ دزيكردن، چوينكه‌ وه‌زاره‌ته‌يل له‌لايه‌ن وه‌زيره‌يل سه‌روه‌خوه‌ى و ده‌سپاكه‌و بريه‌نه‌ رييه‌و و ئى پلانيشه‌ خه‌رج فره‌يگ ديرێد له‌بان نوێنه‌ره‌يل و ده‌نگداين وه‌ شارياگ هيلێد، ك ئوميده‌وارم ئى زانياريه‌ راس ده‌رنه‌چێ.

 

جى باسه‌، يه‌يش له‌وه‌ختيگه‌ هاوپه‌يمانى هيزه‌يل عراقى وه‌سه‌رۆكايه‌تى محه‌مه‌د حه‌لبوسى داواى ئاڵشتكردن محه‌مه‌د ته‌وفيق عه‌لاوى سه‌رۆك حكومه‌ت راسپارياێ كرد، پرۆگرامه‌گه‌ى وه‌ قه‌يراناوى تاريف كرد.

}