2018-12-28 07:40:00

شه‌فه‌ق نيوز/ سارا ساندرز قسه‌كه‌ر وه‌ناو ماڵ چه‌رمگ، ره‌خنه‌ له‌ تووڕ ئه‌خبارێ "CNN" گرت دوياى ئه‌وه‌گ كه‌ناڵه‌گه‌ ئاماژه‌ وه‌ ئه‌گه‌ره‌يل سه‌رپيچێ له‌ ليست سه‌ربازێ بكريه‌ێد له‌لايه‌ن ئه‌ندامه‌يليگ له‌و هيزه‌يله‌ ك بڵاو بوينه‌سه‌و له‌ عراق له‌وه‌خت سه‌ردانه‌گه‌ێ ئى دواخره‌ دوناڵد ترامپه‌.

 

ساندرز له‌بان هساو تايبه‌ت خوه‌ى له‌ تويته‌ر وت: سى ئێن ئێن په‌لامار هه‌ر كه‌سيگ ئه‌ياد پشتگيرى له‌ ترامپ بكا، ته‌نانه‌ت ژن و پياو ئازايش له‌ سوپاگه‌مان له‌وانه‌گ گشت رووژيگ له‌وه‌ر مقه‌يه‌تيكردن ئازاديه‌يلمان جه‌نگ ئه‌كه‌ن، وه‌لێ سه‌ربازه‌يل شايه‌ت سه‌رپيچى له‌و ليست سوپا كردنه‌ ك قه‌يه‌غه‌ى بڵاوكردنه‌وه‌ى شيوازه‌يل سياسييان له‌بان كارمه‌نده‌يل قه‌يه‌غه‌ كردنه‌و نه‌يابه‌د به‌شدارى له‌ چالاكيه‌يل سياسى و حزبى بكه‌ن و باس ئه‌و چالاكيه‌يله‌ بكه‌ن ك شايه‌ت وه‌ پشتگيرى و هه‌وڵ وه‌زاره‌ت وه‌رگرى بدێ وه‌رانوه‌ر كانديديگ سياسى يا هه‌ڵمه‌تيگ يا مه‌سه‌له‌يگ تر.

 

جى باسه‌، كه‌ناڵه‌ ئه‌و هه‌واڵه‌ له‌وه‌ختيگ بڵاو كرد ك گرته‌يگ ڤيديۆيى و ره‌سمه‌يليگ ترامب بڵاو كرياو له‌تى ئمزاى كڵاوه‌يل قرمز كرد وه‌ دروشم(با جاريگتر ئه‌مريكا وه‌هيزه‌و بكه‌يم) و دروشم(ترامپ 2020) له‌وه‌خت سه‌ردانه‌ له‌ناكاوه‌گه‌ێ ئه‌را عراق.

YesIraq