2018-12-24 05:55:00

شه‌فه‌ق نيوز/ وه‌زاره‌ت خارجيه‌ى به‌حره‌ين باڵيۆز كۆمار عراق له‌ مه‌نامه‌ چڕێ ئه‌را ده‌رخستن حاشاكردن له‌ لێدوانه‌يل نورى مالكى جيگر وه‌رين سه‌رۆك عراق و سه‌ركرده‌ى ئئتلاف ده‌وڵه‌ت ياسا.

 

خارجيه‌ى به‌حره‌ينى له‌ به‌ياننامه‌يگ ئه‌وه‌ ده‌رخست ك نيهاد ره‌جه‌ب عه‌سكه‌ر باڵيۆز كۆمار عراق له‌ شانشين به‌حره‌ين چڕيه‌ ئه‌را حاشاكردن و ئدانه‌كردن ئه‌و لێدوانه‌يل مالكيه‌ ك جوور ده‌خاڵه‌تيگ ره‌ته‌وكرياێ له‌ كاروبار ناوخوه‌يى به‌حره‌ينى تاريفى كرد، ئه‌ويش له‌وه‌خت به‌شداريكردنى له‌ ئاهه‌نگ دامه‌زرانن نويسينگه‌ى به‌غدا ئه‌را كۆمه‌ڵه‌ى ئئتلاف جايه‌ڵه‌يل 14ى فبرايه‌ر له‌ به‌حره‌ين ك مه‌نامه‌ وه‌ ريكخرياگيگ تيرۆريستى تاريفى ئه‌كا.

 

جى باسه‌، به‌ياننامه‌گه‌ وت: وه‌رپرس به‌حره‌ينى ئاگادار لايه‌ن عراقى كردگه‌ وه‌ ئه‌وه‌گ ئه‌و لێدوانه‌يل ناوه‌رپرسانه‌ شيوانن ئاشكرايگه‌ ئه‌را په‌يمانه‌يل و بنه‌مايه‌يل ياساى ناوده‌وڵه‌تى و نه‌بايه‌د ده‌خاڵه‌ت له‌ كاروبار ناوخوه‌يى وڵاته‌يل بكريه‌ێد و يه‌يش وه‌ سروشت كار برايانه‌ له‌ناونى شانشين به‌حره‌ين و كۆمار عراق يه‌كه‌و ناگرێد.

YesIraq