2020-03-19 17:34:57

شه‌فه‌ق نيوز/ كۆمسيۆن باڵاى مافه‌يل ئاده‌ميزاد له‌ عراق، وشدارى دا له‌باره‌ى كاره‌سات دووانى ته‌ندروستى - ژينگه‌يى له‌ پاريزگاى نه‌ينه‌وا، له‌ ئه‌نجام واران وارين وه‌خوڕ ك بويه‌سه‌ هووكار لافاوه‌يل فريه‌يگ.

 

كۆمسيۆنه‌گه‌ له‌ به‌ياننامه‌يگ ك روينويسيگى ره‌سيه‌ شه‌فه‌ق نيوز، وت: كاره‌سات دووانى(ته‌ندروستى - ژينگه‌يى)روێ وه‌ڕوێ هاووڵاتيه‌يل بويه‌سه‌و له‌ پاريزگاى نه‌ينه‌وا له‌ئه‌نجام به‌رزه‌وبوين ريژه‌ى واران و لافاوه‌يل ك روێ له‌ ناوه‌ند شاره‌گه‌و قه‌زاو ناحيه‌يلێ كردگه‌ وه‌ل كه‌مى هه‌وڵ و هه‌وه‌جه‌يل خواست ئه‌را روێ وه‌ڕوێ بوينه‌وه‌ى ڤايرۆس كۆرۆنا.

 

به‌ياننامه‌گه‌ وت: وه‌گووره‌ى راپۆرته‌يليگ ك هانه‌ وه‌رده‌س له‌ نويسينگه‌ى كۆمسيۆن باڵاى مافه‌يل ئاده‌ميزاد له‌ نه‌ينه‌وا، زوورم ناوچه‌يل شار موسڵ له‌وانه‌يش ديم راس شاره‌گه‌ وه‌شيوه‌ى فراوانيگ كاريگه‌ر بويه‌ وه‌ به‌رزه‌وبوين ريژه‌ى واران و زوورم كويچه‌يل تويش لافاو هاتنه‌ وه‌ل بڕيگ له‌ نه‌خوه‌شخانه‌يل و ناوه‌نده‌يل ته‌ندروستى، ك يه‌يش ئه‌گه‌ره‌يل كاره‌سات ته‌ندروستى - ژينگه‌يى له‌لى ئه‌كريه‌ێد و هه‌ڕه‌شه‌ له‌ نزيكه‌ى دو مليۆن كه‌س ئه‌كا.

}