2019-03-07 08:00:00

شه‌فه‌ق نيوز/ به‌سمه‌ به‌سيم ئه‌ندام ئه‌نجومه‌ن نوێنه‌ره‌يل له‌بان پاريزگاى نه‌ينه‌واو ئاشكراى كرد ك ليژنه‌ى تايبه‌ت ئه‌را ده‌رخستن راسيه‌يل له‌ مه‌سه‌له‌ى داگيركردن شار موسڵ له‌لايه‌ن ريكخرياگ داعشه‌و رينمايى ئه‌را لاوردن نه‌وفه‌ل عاگوب سه‌رۆك ئيسه‌ى حكومه‌ت ناوچه‌يى كردگه‌.

 

به‌سيم له‌ لێدوانيگ ئه‌را شه‌فه‌ق نيوز وت: ئاشكراسه‌ ك دارايى فريه‌يگ وه‌ تاڵان ئه‌دريه‌ێد و گه‌ناته‌گارى فراوانيگ وه‌ به‌ڵگه‌و ئاشكرا ئه‌كه‌فيده‌ وه‌رچه‌و و هه‌ر وه‌و خاتريشه‌ رينمايى ئه‌را لاوردن نه‌وفه‌ل عاگوب پاريزگار نه‌ينه‌وا كرياگه‌ وه‌ل هه‌واڵه‌كردنى ئه‌را لايه‌نه‌يل دادگايى و ده‌سپاكى ئه‌را په‌يجووريكردن وه‌ليا له‌بان گشت كاريگ ئه‌نجامى داگه‌.

 

به‌سيم له‌باره‌ى ئه‌نجومه‌ن پاريزگاى نه‌ينه‌وايش وت: وه‌ به‌ڵگه‌و ئسپات ئه‌وه‌ كرياگه‌ ئه‌و ئه‌نجومه‌نيشه‌ رۆڵ چه‌ودێرى خوه‌يان له‌ لێپرسينه‌وه‌ى كه‌ناته‌كاره‌يل نايه‌رێده‌ كار و چه‌وديرى پرووژه‌يل خزمه‌تگوزارى ناكا.

YesIraq