2019-03-07 17:59:00

شه‌فه‌ق نيوز/ شماره‌ێ ئه‌و ته‌رمه‌يله‌ ك هه‌ڵگيريا له‌ژير وێرانه‌يل موسڵ له‌وه‌ختيگه‌و شاره‌گه‌ له‌ ريكخرياگ داعش ئازاد كريا تا سه‌ره‌تاى مارس/ ئادار ئيسه‌ ره‌سيه‌ 4 هه‌زار و 720 ته‌رم.

 

له‌ به‌ياننامه‌ى كۆمسيۆن باڵاى سه‌روه‌خوه‌ى ئه‌را مافه‌يل ئاده‌ميزاد له‌ عراق ئه‌وه‌ ده‌ركه‌فت ك تائيسه‌ له‌ژێر وێرانه‌يل موسڵ 4 هه‌زار و 720 ته‌رم هه‌ڵگيرياگه‌و له‌ى باوه‌تيشه‌و فازڵ غه‌ڕاوى ئه‌ندام كۆمسيۆنه‌گه‌ وت: تيمه‌يل وه‌رگرى شارستانى له‌ پاريزگاى نه‌ينه‌وا، 2 هه‌زار و 666 ته‌رم له‌لى هه‌ڵگرتگه‌و ناسنامه‌يان ئاشكرا بويه‌، وه‌لێ باقيه‌گه‌ نه‌ناسرياێ بوينه‌.

 

جى باسه‌، غه‌ڕاوى يه‌يش ده‌رخست ك له‌ناونى ئه‌و ته‌رمه‌يله‌ 851 ته‌رميان مناڵه‌يل بوينه‌و ناسريانه‌ له‌سه‌رجه‌م پاريزگاگه‌و باس له‌وه‌يش كرد ك مه‌ترسى وجوود مين و ته‌قه‌مه‌نى و پاشمه‌نده‌يل جه‌نگى بويه‌سه‌ هووكار روێداگه‌يل فريه‌يگ.

YesIraq