2018-12-19 07:26:00

شه‌فه‌ق نيوز/ ئاژانس ئه‌سوشێتدپرێس له‌يه‌كه‌وداينيگ ئه‌را بارودوخه‌يل ئه‌گه‌ركرياێ له‌ خوه‌رهه‌ڵات ناوين بڵاو كرد ئه‌را ساڵ ئاينده‌ى، ئه‌ويش وه‌گوورى ئه‌وه‌گ روێداگه‌ له‌ 2018.

 

ئاژانسه‌گه‌ چه‌ن وڵاتيگ ناوبردگه‌ ك ئاژاوه‌ له‌تيان دروس ئه‌دێ له‌ 2019، له‌وانه‌يش:

يه‌مه‌ن: ك وه‌رجه‌ چه‌ن رووژيگ بڕيگ پيشكه‌فتن وه‌ل حوسيه‌يل له‌ى ئه‌نجام دريا وه‌ چاودێرى نه‌ته‌وه‌يل يه‌كرتگ دوياى 4 ساڵ له‌ جه‌نگ و كوشتار ك له‌تى زياتر له‌ 60 هه‌زار كه‌س كوشيان.

سعوديه‌: پيشبينى ئه‌كريه‌ێد ئداره‌ى تره‌مپ پشتگيرى وه‌رده‌وام هيزه‌يل سعودى بكا، چوينكه‌ هاوپه‌يمانى وه‌ل رياز جوور وه‌سيله‌يگه‌ ئه‌را فشار له‌بان ئيران.

سوريا: به‌شار ئه‌سه‌د سه‌رۆك سورى تويه‌نست وه‌ ده‌سميه‌ت ئيران و روسيا ده‌س له‌ ئۆپۆسيۆن بووه‌شنێد ئه‌را ماوه‌ى هه‌فت ساڵه‌ ك هه‌رچه‌نى جه‌نگيش ته‌واو نه‌ويه‌ و وه‌رده‌وامه‌ له‌ باكوور وڵاته‌گه‌و باخيبويه‌يل زاڵن له‌و ناوچه‌.

عراق: ئه‌را نزيكه‌ى ساڵيگه‌ هه‌رچه‌نى حكومه‌ت ئعلان سه‌ركه‌فتن كردگه‌ له‌بان ريكخرياگ داعش، وه‌لێ هيمان مه‌ترسى وجوود ديرێد و كاره‌يل تيكدان و خوه‌ينيشانداينه‌يليش هيمان وه‌رده‌وامه‌ دژ گه‌ناته‌كارى و نه‌وين خزمه‌تگوزارى له‌ ناوچه‌يل باشوور و له‌ به‌سره‌ى ده‌وڵه‌مه‌ن وه‌ نه‌فت ك هه‌وه‌جه‌ وه‌ چاره‌سه‌ر كيشه‌يل ئابوورى ديرێد.

جى باسه‌ يه‌يش بيجگه‌ وڵاته‌يل جوور ليبيا و ئيران و مسر و لوبنان و كيشمه‌كيش ناونى فه‌له‌ستين و ئسرائيل ك له‌ى ئسرائيل ره‌سيه‌سه‌ دروسكردن شوونه‌يل نيشه‌جێ له‌ ديم روژئاوا و حه‌ماسيش رێپێوان فريه‌يگ ئه‌نجام ئه‌ياد دژ گه‌مارۆيه‌يل ئسرائيلى.

YesIraq